Euskal Herri osoko 150 jokalari aritu dira FIFA20 Euskal Ligako lehen fasean

Orain euskal futbol taldeetako ordezkari banaren arteko liga jokatuko da. Finalerdiak apirilaren 11n jokatuko dira. Finala apirilaren 12an, Aberri Egunean.

Finala  Hamaika telebistan eta twitch.tv/guerebai kanaletik ikusi ahal izango da.

Bigarren faseko ligaxkarako, klub bakoitzeko ataleko kanporaketak jokatu ostean, talde horien ordezkari arituko dira lehenengo faseko irabazleak:

#Alaves: Pepillomaestro

#Athletic: Malkortz

#Eibar: Ibarrainkua

#Reala: OstoZumaia

#Osasuna: Beñat.

Egutegia

Bigarren faseko ligaxka apirilak 6 eta 10 bitartean jokatuko da. Guztira 16 minutuko lau norgehiagokari aurre egin beharko dio jokalari bakoitzak. Jardunaldi bakoitzean talde batek atsedena hartuko du. Lau partidu horietan puntu gehien lortzen dituzten laurak pasako dira finalerdira. Finalerdiak apirilaren 11n jokatuko dira. Finala, apirilaren 12an.

Egutegia, emaitzak eta sailkapena

→ HEMEN

Finalerdiak eta finala zuzenean steaming bidez

Finalak eta finalerdiak streaming bidez zuzenean jarraitu ahal izango dira Hamaika telebistan eta twitch.tv/guerebai kanaletik.

FIFA20 Euskal Ligaren antolatzaileek, Game Erauntsia Elkarteak eta Gu ere Bai! ekimenak adierazi dute oso pozik daudela FIFA20 Euskal Ligak izan duen harrera eta lehengo fasearen jarraipenarekin. Euskal Selekzioen ofizialtasunaren eta, oro har, euskal kirolaren, aldeko ekimenaren balorazioan esan dute koronabirusak eragindako etxealdian badagoela elkarren artean arituz geroa ere bideratzeko aukera. “Euskal bideo-joko zaleen komunitatearen erantzuna positiboa izan da eta hori zalantzarik gabe parte-hartzaile kopuruan ikusi daiteke. Guztiek etxetik parte hartu dute, COVID-19ak sortutako etxean gelditzea dela eta. Ez dago aitzakirik gure online txapelketan parte ez hartzeko eta euskal kirola aldarrikatzeko.”