Athletici irabazita, Realak hartu du sailkapeneko lehen postua, bigarren buelta hasi orduko

IV. Euskal Herria Txapelako bigarren buelta hasita, bi partida jokatu dira azken asteburuan: Alaves 2-1 Eibar eta Reala 2-1 Athletic. Sailkapena mugitu da emaitza hauekin, eta orain Reala dugu sailkapenaren buruan. Bestaldetik, joan zen urteko txapelduna, Eibar, azken lekuan gelditu da bost partidatan puntu bi bakarrik eskuratuta.

IV. Euskal Herria Txapelaren hamaikagarren partida, bigarren bueltako lehena, ostiralean jokatu zen Mendizorrotzan: Alavesek irabazi zion Eibarri, 2-1 emaitzarekin, eta orain hirugarren postura pasatu da sailkapenean, 6 punturekin, Osasuna gaindituta -4 puntu ditu Osasunak, partida bat gutxiago jokatuta, baina-. Eibar, bere aldetik, zuloan gelditu da, puntu birekin dago hor joan zen edizioko txapelduna.

Hamabigarren jardunaldia, bigarren bueltako bigarrena, igandean jokatu zen, Anoetako futbol zelaian: Realak irabazi zuen, eta hiru puntu gehiagorekin sailkapenaren buruan jarri da.

Esan dezkaegu bigarren bueltak hasi besterik ez duela egin, baina, egia esan, sailkapenak ez du goitik behera aldatzen partida batetik bestera. Hala ere, puntuek aldaketak ekartzen dituzte, aurretik bildutakoen jarraipena badira ere. Reala eta Athleticen arteko partidan jokoan zegoen lehen postua, eta partida irabazita orain Reala dugu Athleticen gainetik. Bi puntu ateratzen dizkio. Nahikoak sailkapenari goitik begiratzeko. Hala ere, sailkapenaren jarraipenean biak ala biak dira finala jokatzeko lehen bi postuetan. Azken batean, postu horietan amaitzen duten bi taldeen artean jokatuko da txapela. Eta eurrera begira biak ditugu une honetako faboritoak. Alaves eta Eibarren arteko partidan, aldiz, azken postua zegoen lehian, hau da, azken postuan nor geldituko zen. Eta partidako galtzailea gelditu da hor, Eibar, alegia. Ez du bururik altzatu. Alaves, ordea, azken postutik urrutiratzeaz gain, Osasunaren gainetik ere pasatu da. Orain, hirugarren postuan dago orain sailkapenean, sei punturekin. Izan ere, Osasunak lau puntu zituen lehen eta bere horretan jarraitzen du, laun punturekin, partidarik jokaktu ezean puntuak biltzea ezinezkoa denez.

Oraintxe bertan, bada, arestian esan bezala, Athletic eta Reala dira faboritoak IV. Euskal Herria Txapelako finala jokatzeko. Bigarren buelta hasi besterik ez dugu egin baina eta oraindik ezin esan dena salduta dagoenik. Ikusi behar hurrengo partidetako emaitzak zein diren.

Hurrengo partida

IV. Euskal Herria Txapela 2019/20 edizioaren hurrengo bi jardunaldiak otsailaren 16an jokatuko dira, hau da, datorren igandean. Batetik, txapelketako hamairugarren jardunaldia, bigarren bueltako hirugarrena, Eibar-Reala, Ipuruan jokatuko da, 16:00etan. Eta, bestetik, txapelketako hamalaugarren jardunaldia, Athletic-Osasuna, egun berean berean jokatuko da, San Mamesen, 18:30etan. Lehen bueltan, Realak 4-1 irabazi zion Eibarri, eta Athelticek 1-2 Osasunari.