Osasuna garaile

Osasuna irabazi du gaurko norgehiagoka. Hiru puntu gehiagorekin bigarren postua eskuratu du, hau da, IV. Euskal Herria Txapelaren finala jokatzeko txartela. 

Osasunak hobeto jokatu du eta golak sartu ditu gainera. Behar zituen puntuak eskuratu ditu. Eibar, aldiz, azken postuan gelditu da, aurtengo txapelketan partida bat ere irabazi gabe, ihasko Euskal Herria Txapela irabazi ondoren.

Lehenengo bueltan berdindu egin zuten, abuztuaren 2an Sadarren jokatutako norgehiagoka. Osasuna 0-0 Eibar  izan zan orduko markagailua. Gaurkoan buelta eman dio Osasunak.

Sailkapena

Gaurko partidarekin amaitu da IV. Euskal Herria Txapela 2019/20 sailkapen liga. Hogei partida jokatu dira Espainiako Lehen Mailako Futboleko Ligan ari diren euskal taldeen artean, eta sailkapenean lehenengo bi postuetan amaitu duten bi taldeen artean jokatuko da orain finala. Reala eta Osasunaren arten egongo da irabazlea, jokatzeko data eta tokia oraindik zehaztu gabe badago ere.

Esan behar da futbol profesionalaren denboraldiaren amaiera jota ibili dela une batean Covid-19 pandemiaren eraginpean, eta azkenean larri eta publikorik gabe jokatu bada ere, oraindik gauza asko ondo lotu gabe gelditzen dira hurrengo denboraldiari begira. La liga ere oraindik ez da amaitu. Jaitsiera postuak oraindik zehazteke dauge… Inkognita asko gelditu dira pandemia, kirola, futbol profesionala, klubak eta guztien arteko interesen antolaketan. Denborarekin argitzen joango dira horiek guztiak eta aurrera egiteko aukera izango dugu, zalantzarik gabe.

IV. Euskal Herria Txapelaren lehen buelta amaitu zenean Athletic zegoen sailkapenaren buruan. Realarekin batera biak ageri ziren nagusi. Bigarren bueltarekin kolorea nabarmen aldatu eta Reala nagusi izan da lehen postuan, eta lehia izan da bigarren posturako azken partidako emaitza ezagutu arte. Athleticen lekua Alavesek hartu zuen eta azken partidan, hain zuen, Osasunak eskuratu du bigarren postua.