FUTBOLA/EUSKAL HERRIA KOPA

San Ignacio-Añorga eta Oiartzun-Bizkerre, EUSKAL HERRIA KOPAko ‘B multzoan’

2021/08/15

Argazkia: @ConchiFrail

San Ignacio-Añorga eta Oiartzun-Bizkerre izango dira XI. Euskal Herria Kopako ‘B Multzoko’ hurrengo partidak

Abuztuaren 21ean eta 22an jokatuko dira, urrenez urren, bigarren kanporaketak

Atzoko partidetan garaile atera ziren Añorga eta Oiartzun; San Ignazio sailkatu egin da Gasteizko Aurrerak jokatu ezinean gelditu zelako, eta Bikerre libre gelditu zen lehen kanporaketarako zozketan.

Mutilvera 1-5 Oiartzun

Oiartzun nagusitu zen Mutilbeitin atzo eguraldi berotsaunak markatutako partidan. Emaitzak ez du zalantzarik uzten. Lehen gola baina, Multiverak sartu zuen, partida hasi eta gutxira, Estíbaliz Landibarrek Oiartzuneko defentsaren hutsa ondo baliatuz. Oiartzunek berehala berdindu zuen markagailua, korner batean sarera errematatuz. Erritmo bizia eman zioten jokoari, eta 1-3 emaitzarekin joan ziren atsedenaldira. Bigarren zatian hobeto kokatu zen Mutilvera, eta aukerak ere izan zituen gola sartzeko, baina Oiartzunek jokoari eutsi eta beste gol bi sartu zituen norgehiagokoa amaitu orduko.

San Ignacio – Gasteizko Aurrera

Bertan behera gelditu zen norgehiagoka, Gasteizko Aurrerak hainbat arazoren ondorioz partida jokatu ezin izan zuelako. Hartara, San Ignacio sailkatu da bigarren kanporaketarako.

Añorga 9-0 Angeluko Isatsak

Añorgak nagusi izan zen Angeluko Isatsen aurka jokatutako norgehiagokan, emaitzak erakusten duen bezala.

Hurrengo partidak

→ San Ignacio – Añorga : Abuztuak 21, larunbata, 18:00, San Ignacio (Bilbo, Bizkaia).

→ Oiartzun – Bizkerre : Abuztuak 22, igandea, 12:00, Lekuona (Oiartzun, Gipuzkoa).

 

 

• XI. Euskal Herria Kopa 2021 •

 

Abuztu honetan jokatuko da XI. Euskal Herria Kopa 2021 edizioa. Lehen partidak abuztuaren 14an jokatuko dira, eta azkena, finala, abuztuaren 29an, Zarautzen.

Bi multzo

Aurtengo edizioa bi multzotan jokatuko da. Bi multzo izango dira, bi lehiaketa paraleloen formatuan.

Halabeharrez jokatuko da horrela. Izan ere, Euskal Herria Kopan parte hartzen duten futbol talde guztiek ez dute maila bereko lehiaketetan jarduten. Eta 2021/2022 denboraldiko lehiaketak sasoi berean hasiko badira ere, joan zen denboraldia ez zuten denek batera amaitu. Hori dela eta, ezin izan da finalera iristeko egin ohi den kanporaketa sistema bakarra antolatu.

A multzoa

Lau talde arituko dira XI. Euskal Herria Kopa eskuratzeko lehian, denboraldi honetan Espainiako Lehen Mailako ligan (Liga Ellas) jokatuko duten Euskal Herriko lau taldeak hain zuzen: Real Sociedad (azken urteko txapelduna), Athletic, Eibar eta Alaves.

B multzoa

Talde honetan arituko dira Nafarroatik, Mutilvera (Mutilva); Arabatik, Aurrera de Vitoria (Gasteiz); Bizkaitik, San Ignacio (Bilbo) eta Bizkerre (Getxo); Gipuzkoatik, Añorga eta Oiartzun; eta Lapurditik, Angeluko Isatsak.

Publikoarekin jokatuko da

Iaz bezala, pandemiak baldintzatua jokatuko da XI. Euskal Herria Koparen 2021eko edizioa. Zaletuek zelaietara joateko aukera izango dute, agintariek zelai bakoitzean zelaiaren arabera ezartzen dituzten kopuruetan.

Egutegia

B MULTZOA

  • Abuztuak 14, larunbata, Mutiloabeiti (Nafarroa), 12:00 : MutilveraOiartzun.

  • Abuztuak 14, larunbata, Añorga (Gipuzkoa), 18:00 : AñorgaAngeluko Isatsak.

  • Abuztuak 14, larunbata, San Ignacio (Bilbo, Bizkaia), 18:00 : San IgnacioAurrera de Vitoria.

    [ Bizkerre, libre gelditu da lehen kanporaketan.]

  • Abuztuaren 21 eta 22an jokatuko dira bigarren kanporaketako partidak, oraindik erabakitzeke dauden dauden zelai eta orduetan.

A MULTZOA

FINALERDIAK

  • Abuztuak 22, igandea, Loinaz (Beasain, Gipuzkoa), 12:00 : Real SociedadAlaves.

  • Abuztuak 22, igandea, Fadura (Getxo, Bizkaia), 12:00 : AthleticEibar.

3/4 POSTUAK

  • Abuztuak 28, larunbata, Azkoagain (Oñati, Gipuzkoa), 18:00 .

FINALA

  • Abuztuak 29, igandea, Asti (Zarautz, Gipuzkoa), 16:00. ETB1ek zuzenean emango du.

 

Realak irabazi zuen iazko X.Euskal Herria Kopa 2020

DATA
TALDEAEMAITZATALDEAKRONIKA
[FINALERDIA]
2021.08.22
12:00 LOINAZ
Reala
3-4Alavesehkirola.eus
[FINALERDIA]
2021.08.22
12:00 FADURA
Athletic4-0Eibarehkirola.eus
[3/4 POSTUA]
2021.08.28 18:00 OÑATI
Reala2-1Eibarehkirola.eus
[FINALA]
2021.08.29
16:00 ZARAUTZ
Athletic2-1Alavesehkirola.eus
DATA
TALDEAEMAITZATALDEAKRONIKA
2021.08.14 12:00
MUTILBEITI
Mutilvera
1-5Oiartzunehkirola.eus
2021.08.14 18:00
AÑORGA
Añorga9-0Angeluko Isatsakehkirola.eus
2021.08.14 18:00
SAN IGNACIO
San IgnacioØGasteizko Aurreraehkirola.eus
2021.08.21 18:00
San Ignacio
San Ignacio0-2Añorgaehkirola.eus
2021.08.22 12:00
Oiartzun
Oiartzun0-2Bizkerreehkirola.eus
FINALA
2021.08.29 12:00 ARETXABALETA
Bizkerre0-1Añorgaehkirola.eus

 

ehkirola.eus: VIII. Euskal Herria Kopa

ehkirola.eus: IX. Euskal Herria Kopa

ehkirola.eus: X. Euskal Herria Kopa

Wikipedia: Euskal Herria Kopa

Athleticek irabazi du Euskal Herria Kopa

Athleticek irabazi du Euskal Herria Kopa

Lehen zati zirraragarri baten ondoren, Athletic heldu da 2-3 aurretik markagailuan atsedenaldira, eta jada 80. minutuan Ane Azkonak sarturiko bigarren golarekin erabakita utzi dute neurketa zurigorriek (2-4)