Osasuna – Athletic izango da IV. Euskal Herria Txapela 2019/20 edizioaren seigarren partida. Azaroaren 24an jokatuko da, igandean, arratsaldeko 14:00etan, Sadarren.

Sailkapenean, bost partida jokatuta, Athletic eta Osasuna dira, hain zuzen ere, lehen bi postuetan daudenak. Atheltic-ek 6 puntu ditu, bi partida jokatuta, eta, Osasunak, 4, bi partida jokatuta. Biak ala biak, beraz, oraingo sailkapenari begira, finala jokatzeko postuetan.

Athletic eta Osasunaren ostean, sailkapenean, hurrenez hurren, Reala da hirugarrena, 2 punturekin, bi partida jokatuta; Eibar dator gero, laugarren postuan, puntu batekin, partida bakarra jokatuta baina; eta Alaves dago azken postuan, orain arte jokatu dituen hiru partidetan puntu bat bera ere lortu gabe.

III. Euskal Herria Txapela 2018/2019 edizioko txapelduna Eibar izan zen. Txapelako sailkapenean Reala gelditu zen lehena, 10 punturekin eta Eibar bigarrena, 9 punturekin. Baina finalean Eibarrek 2-1 garaitu zuen Reala, abuztuaren 10ean Tolosako Berazubi zelaian jokatutako partidan.

Aurtengo III. Euskal Herria Txapela 2018/2019 edizioan baina, Osasuna ere ari da Txapela eskuratzeko lehian, ihazko denboraldian Espainiako La liga lehen mailako lehiaketara igo ondoren. Izan ere, Euskal Herria Txapela Espainiako lehen mailan diharduten Euskal Herriko taldeen artean jokatzen da, elkarren arteko partidetako emaitzen araberako sailkapenaren ostean, titulua eskuratzeko finala sailkapeneko lehen bien artean jokatuz.

IV. Euskal Herria Txapela 2019/2020 edizio honen hurrengo partida, azaroaren 24an bertan jokatuko da, Eibar – Alaves artean, arratsaldeko 16:00etan, Ipurua futbol zelaian.