Dagoeneko zehaztu dira Eibar-Reala partidaren eguna eta ordua: otsailaren 16an jokatuko da, igandearekin, arratsaldeko 16:00etan, Ipurua futbol zelaian.

IV. Euskal Herria Txapela 2019/20 edizioaren hamairugarren partida izago da; bigarren bueltako hirugarrena. Egun berean, otsailaren 16an, jokatuko da hamalaugarren partida, Athletic-Osasuna, arratsaldeko 18:30etan, San Mamesen.

Lehen bueltako partidan, irailaren 30ean, Realak 4-1 irabazi zion Eibarri.  Partida hartan Realak eraman zuen jokoa eta jokoaren erritmoa markatuz menpean hartu zuen Eibar. 

Hamar partida jokatuta, hau da, lehen buelta amaituta, sailkapenari begiratu bat ematea komeni da, gauzak zelan dagozen ikusteko. Kontutan hartu behar da, hala ere, otsailaren 16aren aurretik,  IV. Euskal Herria Txapelaren beste partida bi ere jokatuko direla:  Alaves-Eibar, otsailaren 8an, eta Reala-Athletic, otsailaren 9an.

Athletic, buruan, lehen bueltako lau partidak jokatuta, orain hamar punturekin. Bigarrenari, Realari, puntu bat ateratzen dio orain. Bigarren postuan, bederatzi punturekin, biak ala biak bigarren bueltari goiko lekuetatik begiratuko diote, azken lehen bi postuetan amaitzeko asmoarekin beti ere. Hirugarrena, Osasuna, Athleticetik sei puntura dago, tarte batera, alegia, oraindik bigarren buelta osoa falta dela esan beharra dagoen arren.

Alaves eta Eibar azken postuetan daude, hauek bai, beherago sartuta. Biak daude puntuak eskuratzeko beharrean, gora egingo badute. Alavesek lau partidetatik Eibarri irabazitako puntuak besterik ez du zakuan, eta Eibarren kontra du oraingo partida.. Eibarren kasuan, okerrago, bi puntu bakarrik dituelako, bat Athleticen aurka lortutako puntua. Une honetan sailakpeneko azken lekuan dago III. Euskal Herria Txapelako irabazlea, lau partida jokatuta, puntu birekin, bigarren bueltari begira,

Hurrengo partida

IV. Euskal Herria Txapela 2019/2020 edizio honen hurrengo partida, hamalaugarren jardunaldia ere otsailaren 16an bertan jokatuko da. Athletic-Osasuna, arratsaldeko 18:30etan, San Mamesen.