Eibar 3-0 Alaves

Eibarren garaipenarekin amaitu da V. Euskal Herria Txapela 2020/21 edizioaren hamazortzigarren partida. Sailapen faseko talde bien azken partida izan da gaurkoa. Eibarrek sei punturekin bosgarren postuan egingo du azken sailkapenean. Alaves 9 punturekin konformatu beharko da hirugarren postuan. Dagoeneko, lehen fasea amaitzeko bi partida falta direnean, badakigu finala zein izango den: Reala eta Osasuna.

Hirugarren minuturako sartu du Eibarrek lehen gola. Hortik aurrera bere alde izan du markagailua, azkenean 3-0 egin arte, Kike Garciaren hiru golekin. 

Gaurko partida ere ateak itxita jokatu da, publikorik gabe. Oraingoz denboraldi honetako partida guztiak horrela jokatuko dira, harmailetako ikuslerik gabe. Ezin esan giro egokiena denik V. Euskal Herria Txapela jokatzeko, baina lehiaketak aurrera darrai.

Sailkapena

Sailkapenari dagokionez,  V. Euskal Herria Txapelaren hamazortzi partida jokatuta, Reala dago sailkapenaren buruan, 13 punturekin.  Osasuna, puntu batera, 12 puntu dauzka oraintxe bertan. Eta hortik aurrera, Alaves dator hirugarren postuan, 9 punturekin. Atzetik, Athletic, 6 punturekin. Eta azken postuan, Eibar, 6 punturekin.

Gauzak horrela, eta hiru partida jokatzeke, finalean Reala eta Osasuna izango dira matematikoki.

Hurrengo partidak

Partida honen ostean, hauexek izango ditugu V. Euskal Herria Txapelako hurrengo norgehiagokak :

Athletic – Osasuna, maiatzaren 8an jokatuko da. Gaueko 21:00etan hasiko da, San Mames futbol zelaian.

Osasuna – Reala, maiatzaren 23ko asteburuan jokatuko da. Oraingoz eguna eta data zehaztu barik dagoz.