Eibar 0-1 Reala

Realaren garaipenarekin amaitu da V. Euskal Herria Txapela 2020/21 edizioaren hamazazpigarren partida. Realak gora egin du, sailkapenaren buruan dago orain. Eibar azken postuan jarraituko du. Eta dagoeneko, lehen fasea amaitzeko hiru partida falta direnean, badakigu finalean zein izango den: Reala eta Osasuna. 

Eibarrek erasoan jardun arren, Realak ez du barkatu. Kolpe batez irabazi du partida. Horrela izaten da. Goian dagoenak haizea alde izaten du, behekoaren kaltean. Eta horixe ageri da markagailuan norgehiagoka amaitzean. Reala sailkapenaren buruan eta Eibar azken postuan ditugu orain.

Gaurko partida ere ateak itxita jokatu da, publikorik gabe. Oraingoz denboraldi honetako partida guztiak horrela jokatuko dira, harmailetako ikuslerik gabe. Ezin esan giro egokiena denik V. Euskal Herria Txapela jokatzeko, baina lehiaketak aurrera darrai.

Sailkapena

Sailkapenari dagokionez, gaurko partidaren ostean, hau da,  V. Euskal Herria Txapelaren hamazazpigarren partida jokatuta, Reala dago sailkapenaren buruan, 13 punturekin.  Osasuna, puntu batera, 12 puntu dauzka oraintxe bertan. Eta hortik aurrera, Alaves dator hirugarren postuan, 9 punturekin. Atzetik, Athletic, 6 punturekin. Eta azken postuan, Eibar, 3 punturekin.

Gauzak horrela, eta hiru partida jokatzeke, finalean Reala eta Osasuna izango dira matematikoki.

Hurrengo partidak

Partida honen ostean, hauexek izango ditugu V. Euskal Herria Txapelako hurrengo norgehiagokak :

Eibar – Alaves, maiatzaren 1ean jokatukoa da. Arratsaldeko 14:00etan hasiko da, Ipurua futbol zelaian.

Athletic – Osasuna, maiatzaren 8an jokatuko da. Gaueko 21:00etan hasiko da, San Mames futbol zelaian.

Osasuna – Reala, maiatzaren 23ko asteburuan jokatuko da. Oraingoz eguna eta data zehaztu barik dagoz.