Igande honetan Alaves-Athletic partida izango dugu IV. Euskal Herria Txapela aurtengo lehiaketan. Denboraldiko hamalaugarren partida izango da, Eibar-Reala atzeratu ondoren. Norgehiagoka Mendizorrotzan jokatuko da, igandean, 14:00etan.

Lehen bueltako partidan, irailaren 23an, Ahtleticek 2-0 irabazi zion partida Alavesi,   Raul Garciak eta Williamsek sartutako golekin.

Oraingo sailkapenari begiratuta, bigarren bueltako hiru partida jokatuta, Reala dugu buruan, hamabi punturekin. Bigarrenari, Athletici, puntu bi ateratzen dizkio, partida bat gutxiago jokatuta baina. Biak ala biak txapelketako finala jokatzeko portuetan daude, baina atzetik datozenei begiratu beharko diete. Izan ere, hirugarrena, Osasuna dago, zazpi punturekin Athletic San Mamesen garaitu eta gero, partida bat gutxiago jokatuta beti ere.

Alaves ere ez dago oso urruti. Sei puntu ditu orain eta aukerak badituela esan dezakegu. Beste gauza bat da Eibar, Euskal Herri Txapela aurreko edizioaren txapelduna, alegia. Bi puntu bakarrik ditu tarde armaginak, eta gora begiratuta aldapa handia ikusten da lehen postu haietara iristeko.

Hurrengo partida

IV. Euskal Herria Txapela 2019/2020 edizio honen hurrengo partida, Eibar-Reala izan daiteke, hainbat medioetan zabaldu bezala martxoaren 10ean jokatzen bada.
Horren ostean, hamaseigarren jardunaldia, beraz, Reala-Osasuna, martxoaren 15eko asteburuan jokatuko da, eguna eta ordua oraindik zehazteke daude eta.