Osasuna – Reala

Maiatzaren 22an jokatuko da Osasuna-Reala partida, larunbatean, arratsaldeko 18:00etan hasita, Sadar futbol zelaian. Hasiera batean igandean jokatzeko zen, baina azken orduan aldaketak egon dira Santander Ligako egutegian.

V. Euskal Herria Txapela 2020/21 edizioaren  hogeigarren partida izango da, hau da, aurtengo edizioaren sailkapen faseko azkena. Finalean arituko dira talde bien arteko lehia izango da. Biak izango dira finalean. Baina partida honetan erabakiko da lehen postua. Eta lehen postuan gelditzen denak aukeratu ahal du finalaren zelaia.

Lenenengo bueltako  Reala-Osasuna 2021.01.03an jokatu zen Anoetako zelaian. Berdinduta amaitu zen, Reala 1-1 Osasuna emaitzarekin markagailuan.

Sailkapena

Sailkapenari dagokionez,  V. Euskal Herria Txapelaren hemeretzi partida jokatuta, Reala dago sailkapenaren buruan, 13 punturekin.  Osasunak ere 13 puntu ditu. Eta hortik aurrera, Alaves dator hirugarren postuan, 9 punturekin. Atzetik, Athletic, 7 punturekin. Eta azken postuan, Eibar, 6 punturekin.

Gauzak horrela, azken  partidaren aurrean, Reala eta Osasuna izango dira finalean. Jokoan dago oraindik lehen postua. V. Euskal Herria Txapelaren azken lehia elkarren aurka joakatuko dute talde biek, Sadarren, eta partida amaitu arte ez dugu jakingo nola geldituko diren lehengo postu biak.

Ateak itxita

Hasi bezala jarraitzen du txapelketak: partida guztiak ateak itxita jokatzen ari dira, beti ere segurtaun neurri zorrotzak hartuta.

Finala

Finalean Osasuna eta Reala izango direla jakin arren, oraindik zehaztu gabe dago finala non jokatuko den. Datari dagokionez, printzipioz asmoa da abuztuan jokatzeko.

Sailkapena eta Egutegia