Osasuna 0-1 Reala

Realak irabazi du V. Euskal Herria Txapela 2020/21 edizioaren hogeigarren partida. Aurtengo edizioaren azken partida izan da. Hartara, lehenengo eta bigarren postuetan amaitu duten Reala eta Osasuna izango ditugu finalean aurten ere. 

Azken minutuetan sartu du gola Realak, eta emaitza horrekin partida irabazi ez ezik,  lehen postua eskuratu du aurtengo V. Euskal Herria Txapelaren edizioan.

Gaurko partida ere ateak itxita jokatu da, publikorik gabe. Denboraldi honetako partida guztiak horrela jokatu dira, harmailetako ikuslerik gabe. Ezin esan giro egokiena denik V. Euskal Herria Txapela jokatzeko, baina lehiaketak bere bidea egin du. Finala publikorekin jokatu ahal izatea espero dugu.

Sailkapena

Amaitu da  V. Euskal Herria Txapelaren 2020/21 edizioaren lehen fasea eta sailkapenean Realak eskuratu du lehen postua, 16 punturekin, partida bat ere galdu gabe.  Osasuna bigarren postuan gelditu da, 13 punturekin. Eta hortik aurrera, Alaves hirugarren postuan, 9 punturekin. Laugarrena, Athletic, 7 punturekin. Eta azken postuan, Eibar, 6 punturekin.

Gauzak horrela, aurten ere  Reala eta Osasuna izango ditugu finalean. Finala abuztuan jokatuko da. Egutegiak eta bestelako aukerak kontutan hartu beharko dira eguna zehazteko. Bestela ere, Realak lehen postua eskuratu duenez, lehentasuna dauka futbol zelaia aukeratzeko orduan.

Aurtengo denboraldian albiste txarra ere izan dugu. Izan ere, Eibar 2. mailan jokatuko du datorren denobraldian Espainiako ligan, eta horren ondorioz Euskal Herria Txapelatik kanpo gledituko da 2021/22 denboraldian. Laster bueltatuko ahal da!