Neguko txapelduna: Alaves

V. Euskal Herria Txapela 2020/21 edizioaren lehenengo hamar partidak jokatu direnean, hau da, lehen buelta amaituta, Alaves da sailkapenaren buruan.

Zorionak, Alaves taldeari, titulua ez baina horren bidean aurrera egiteko posizio ezin hobean dagoelako!

Sailkapen taulari erreparatuta, Alavesek 8 puntu eskuratu ditu lehe bueltan. Atzetik, berdinduta datoz Osasuna eta Reala,  biak bost punturekin. Ondotik, Athletic, hiru punturekin. Eta azken postuan, Eibar, bi punturekin.

Euskal Herria Txapela euskal taldeen artean jokatzen da, Espainiako lehen mailako La liga txapelketan ari direnen artean hain zuzen. Lehiaketa horretan elkarren aurka jokatutako partiden puntuen arabera sailkapena egiten da eta azkenean lehen bi postuetan sailkatutako bi taldeen artean jokatzen da finala.

Horretara, neguko lehen buelta jokatuta, final horretarako talde bat izango litzateke, Alaves, alegia. Bigarren posturako baina, Osasuna eta Reala berdinduta daude, taulako balore guztietan berdinduta ere.

Dena dela, bigarren buelta falta da, beste hamar partida jokatzeko dira oraindik, eta amaitzen denean gertatzen den sailkapena izaten da kontutan hartzen den bakarra. Neguko txapelduna nor den ikustea interesgarria da baina, aurrera begira goian egotea beti norberaren aldeko izaten baita.

Ateak itxita

Hasi bezala jarraitzen du txapelketak: partida guztiak ateak itxita jokatzen ari dira, beti ere segurtaun neurri zorrotzak hartuta.

Hurrengo partida

Lehenengo buelta amaituta, urtarrilean ez dugu V. Euskal Herria Txapelako beste norgehiagorik izango. Hurrengo partida, otsailean izango da:

Osasuna – Eibar, otsailaren 7ko asteburuan jokatuko da. Oraingoz eguna eta data zehaztu barik dagoz.

V. Euskal Herria Txapela 2020/21 edizioaren Sailkapena eta Egutegia