Reala – Athletic jokatuko da igande honetan, otsailak 9, arratsaldeko 14:00etan, Anoetako futbol zelaian.IV. Euskal Herria Txapela 2019/20 edizioaren hamabigarren partida izango da; bigarren bueltako bigarrena.

Aste honetan bertan talde biek partia garrantzitsua jokatuko dute, ostegunean, Espainiako Errege Kopan: Realak Real Madrilen aurka jokatuko du Santiago Bernabeu futbol zelaian, eta Ahtleticek Bartzelonaren aurka, San Mamesen.

Lehen bueltako partidan, abuztuaren 30ean, Athleticek 2-0 irabazi zion Realari, Williamsek eta Raul Garciak sartutako golekin. Hiru puntu hoiek, hain zuzen, markatzen dute oraintxe bertan sailkapeneko lehen postuen arteko ordena.

Bestela ere, IV. Euskal Herria Txapelaren hamar partida jokatuta, hau da, lehen buelta amaituta, sailkapenari begiratu bat ematea komeni da, gauzak zelan dagozen ikusteko.

Athletic dago buruan, lehen bueltako lau partidak jokatuta, hamar punturekin. Bigarrenari, Realari, puntu bat ateratzen dio. Bigarren postuan dago, bederatzi punturekin. Biak ala biak bigarren bueltari goiko lekuetatik begiratuko diote, azken lehen bi postuetan amaitzeko asmoarekin beti ere. Hirugarrena, Osasuna, Athleticetik sei puntura dago; tarte batera, alegia, oraindik bigarren buelta osoa falta dela esan beharra dagoen arren.

Alaves eta Eibar azken postuetan daude, hauek bai, beherago sartuta. Biak daude puntuak eskuratzeko beharrean, gora egingo badute. Alavesek lau partidetatik Eibarri irabazitako puntuak besterik ez du zakuan, eta Eibarren kontra du oraingo partida.. Eibarren kasuan, okerrago, bi puntu bakarrik dituelako, bat Athleticen aurka lortutako puntua. Une honetan sailakpeneko azken lekuan dago III. Euskal Herria Txapelako irabazlea, lau partida jokatuta, puntu birekin, bigarren bueltari begira,

Hurrengo partida

IV. Euskal Herria Txapela 2019/2020 edizio honen hurrengo partida otsailaren 16an jokatuko da, hau da, hurrengo asteburuan. Bi partida jokatuko dira egun horretan, hamairugarren eta hamalaugarrena: Eibar-Reala 16:00etan jokatuko da Ipuruan, eta Athletic-Osasuna 18:30etan San Mamesen.