Euskal Herriko futboleko giroa desberdina dela azpimaratu da. Espainiako La Ligan diharduten bost taldeen entrenatzaileak euskaldunak dira. Imanol Alguacil falta zela aipatu da, baina Realak gaur Madrilen jokatu behar izanik, Alguacil kontzentratuta zegoen ordurako ekipoarekin. Euskal Herria Txapela lehian dute elkarren arteko derbietan. Eta gure txapelketaren filosofia argazki horretan laburbiltzen da.

Domingo derbis vascos,Osasuna-Atlhetic. Eibar-Alaves.Viernes cena en la peña Manix Laguntaldea con los cuatro entrenadores, esto es normalidad entre equipos vascos. pic.twitter.com/ueWaijvlxG

— HERMOSA (TXUSS) (@TxussH) November 23, 2019

Albiste birala izan da sare sozialetan. Benetan eredugarria da entrenatzaileak modu normalean eta lagun arteko giroan elkartzea justu hurrengo egunetan elkarren kontrako partidak jokatu behar dituztenean, Eibarrek txio batean nabarmendu duen bezala. Futbolaren mundua zelan dabilen ikusita, pozgarria ere bada Euskal Herriko kirolaren pertsona esanguratsuen jarrera eta Euskal Herria Txapelak duen dimentsioaren irudia ere ematen dute neurri batean.

? Normaltasuna eta laguntasuna. Hori da gure futbola @athletic_eus @caosasuna_eus @Alaves @RealSociedadEUS

? Normalidad y fraternidad, así es nuestro fútbol @AthleticClub @CAOsasuna @RealSociedad @Alaves https://t.co/j77H4iU8v4

 

— SD Eibar (@SDEibar) November 23, 2019

Normaltasun eta lagun giro horretan jokatuko dira bihar Osasuna-Athletic eta Eibar-Alaves partidak. Baina epaileak lehiari hasiera eman orduko, denak bereak eta bost emango dute zelaian, kirol legez ahal duenak irabaztearren.

Eskerrik asko zareten bezalakoak izateagatik, eta suerte on!