Igandean jokatuko da Alaves – Reala partida, abenduaren 6an, Mendizorrotza futbol zelaian, gaueko 21:00etan.

V. Euskal Herria Txapela 2020/21 edizioaren bosgarren partida izango da.

Orain arteko partidetan, honako emaitza hauek izan ditugu:

→ Eibar 1-2 Athletic, irailaren 27an.

→ Alaves 1-0 Athletic, urriaren 4an

→ Eibar 0-0 Osasuna, urriaren 18ean

→ Osasuna 1-0 Athletic, urriaren 24an

Beraz, sailkapenean,  horixe dugu: Osasuna dugu buruan, lau punturekin. Alaves eta Athletic datoz ondoren, hiru punturekin. Eta, Eibarrek puntu bakarra du. Realak oraindik ez du partidarik jokatu aurtengo Euskal Herria Txapelan.

Dagoeneko hasi da V. Euskal Herria Txapela 2020/21 edizioaren sailkapena marrazten, oraindik amaierako sailkapenaz ezer esateko goiz bada ere.

Eta hasi bezala jarraitzen du: partida guztiak ateak itxita jokatzen ari dira, beti ere segurtaun neurri zorrotzak hartuta.

Abenduko partidak

2020ko abenduan bost partida jokatuko dira V. Euskal Herria Txapela edizio honetan.

Lehena, Alaves – Reala, abenduaren 6an jokatuko da, igandean. 21:00etan hasiko da, Mendizorrotza futbol zelaian.

Bigarrena, Reala – Eibar, abenduaren 13an jokatuko da, igandean, eguerdiko 14:00etan hasita, Anoetako futbol zelaian.

Hirugarrena, Alaves – Eibar, abenduaren 23an jokatuko da, asteazkenean, gaueko 22:00etan hasita, Mendizorrotza futbol zelaian.

Abenduaren 30eko asteburuan beste partida bi jokatuko dira: Athletic – Reala eta Osasuna – Alaves. Zehaztu gabe daude oraindik partida hauen eguna eta ordua. 

V. Euskal Herria Txapela 2020/21 edizioaren Sailkapena eta Egutegia