Dagoeneko zehaztu da Alaves-Athletic partidaren eguna eta ordua: otsailaren 23an jokatuko da, igandearekin, arratsaldeko 14:00etan, Mendizorrotza futbol zelaian.

IV. Euskal Herria Txapela 2019/20 edizioaren hamabosgarren partida izago da; bigarren bueltako bosgarrena, alegia.

Lehen bueltako partidan, irailaren 23an, Ahtleticek 2-0 irabazi zion partida Alavesi,   Raul Garciak eta Williamsek sartutako golekin.

Oraingo sailkapenari begiratuta, lehenengo bueltako emaitzak eskaintzen dizkigula ikusten dugu. Izan ere, Alaves-Athletic jokatu aurretik beste lau partida jokatuko dira IV. Euskal Herria Txapela honetan: Alaves-Eibar, otsailaren 8an; Reala-Athletic, otsailaren 9an; Eibar-Reala, otsailaren 16an eta Athletic-Osasuna, otsailaren 16an ere.

Beraz, lehen hamar partidak jokatuta, Athletic dugu buruan, hamar punturekin. Bigarrenari, Realari, puntu bat ateratzen dio. Biak ala biak bigarren bueltari goiko lekuetatik begiratuko diote, lehiaketa amaitzerakoan lehen bi postuetan jarraitzeko asmoarekin beti ere. Hirugarrena, Osasuna, Athleticetik sei puntura dago, tarte batera, alegia, oraindik bigarren buelta osoa falta dela esan beharra dagoen arren.

Alaves eta Eibar azken postuetan daude, hauek bai, beherago sartuta. Biak daude puntuak eskuratzeko beharrean, gora egingo badute. Alavesek lau partidetatik Eibarri irabazitako puntuak besterik ez du zakuan. Eibarren kasuan, okerrago, bi puntu bakarrik dituelako. Une honetan sailakpeneko azken lekuan dago III. Euskal Herria Txapelako irabazlea, lau partida jokatuta, puntu birekin, bigarren bueltari begira.

Hurrengo partida

IV. Euskal Herria Txapela 2019/2020 edizio honen hurrengo partida, hamaseigarren jardunaldia, Reala-Osasuna, martxoaren 15eko asteburuan jokatuko da, eguna eta ordua oraindik zehazteke daude eta.