Urrezko Aizkolari Txapeldunen Ligako edizio berria abiatu zen urriaren 3an, igandean 13:00etan Bilboko Deustu auzoan jokatutako lehen jardunaldiarekin.

Txapelketa honetan zortzi aizkolari arituko dira nor baino nor gehiago txapelaren bila, kanporaketako bi jardunaldi izango direlarik, urriaren 3an eta 10ean, Deustun eta Leitzan, hurrenez hurren. Horietako bakoitzetik bi onenak sailkatuko dira eta hauek urriaren 17an Lizarran jokatuko den finalean neurtuko dituzte indarrak.

Deustuko aurreneko jardunaldian, Patxi Mindegia zubietarra, Arribeko Txomin Amundarain eta Ibai Soroa eta Hernaniko Sugarri Rodriguez aritu ziren lanean, zazpi enbor moztu behar izan zituztelarik lau modalitatetan (abiaduran 45 ontzako enbor bat, zutik jarritako 45 ontzako enbor bat, abiaduran 60 ontzako enbor bat eta, azken proban, lau kanaerdiko moztea).

Azkenean Arribeko Ibai Soroa (13 minutu eta 27 segundo) eta Suharri Rodriguez hernaniarra (13 minutu eta 58 segundo) sailkatu ziren aurreneko bi postuetan eta finalerako txartela eskuratu zuten. Hirugarren postuan Patxi Mindegia geratu zen (14 minutu eta 16 segundo) eta laugarrenean Txomin Amundarain (14 minutu eta 39 segundo).

Sailkapena:

• Ibai soroa 13´27´´ (erloju kontra 45´´, zutik 1´52´´, abiaduran 2´41´´ eta lan erdira 8´09´´).
• Suharri Rodriguez 13´58´´ (erloju kontra 47´´, zutik 2´14´´, abiaduran 2´56´´ eta lan erdira 8´04´´).
• Patxi Mindegia 14´16´´ (erloju kontra 47´´, zutik 1´41´´, abiaduran 2´59´´ eta lan erdira 8´49´´).
• Txomin Amundarain 14´39´´ (erloju kontra 1´07´, zutik 1´50´´, abiaduran 3´02´´ eta lan erdira 8´40´´).

Bigarren kanporaketa urriaren 10ean jokatuko dute Hodei Ezpeleta (Eibar), Jokin Urretabizkaia Basozabal (Donostia), Goizeder Belza (Etxarri Aranatz) eta Oier Kañamares IV.a (Arostegi) aizkolariek.