Reala – Alaves

Igandean jokatuko da Reala-Alaves norgehiagoka, 18:30etan hasita, Anoetako futbol zelaian. VI.Euskal Herria Txapela 2021/22 edizioaren hamargarren partida izango da.

Denboraldi honetako Alaves eta Realaren arteko lehen bueltako partida urtarrilaren 2an jokatu zen Mendizorrotzan. Berdinketarekin amaitu zen: Alaves 1-1 Reala

Sailkapena

VI. Euskal Herria Txapelaren 2021/22 edizioaren bederatzigarren partida jokatuta, Athletic daukagu sailkapenaren buruan, hamaika punturekin eta dagoeneko matematikoki finalerako sailkatuta, lehen postuan gainera eta, beraz, berak aukeratu ahal izango du finala non jokatuko den. Reala da bigarrena, zortzi punturekin, finalerako bigarren txartela eskuratzeko aukera handiak dituela. Eta ondoren datoz Osasuna, hiru punturekin, eta, azkena, puntuetan, Alaves, puntu bakarrarekin.

Euskal Herria Txapela

Euskal Herria Txapela Espainiako lehen mailako ligan ari diren euskal taldeen artean jokatzen da. Elkarren aurkako partidak kontutan hartuta sailkapena egiten da eta puntu gehien ateratzen dituzten bi taldeen artean jokatzen da finala.

2016/17 denboraldian jokatu zen lehen edizioa, denboraldi horretan lehen aldiz Euskal Herriko bost talde aritu zirelarik. Edizio horretako finala Athletic eta Alaves artean jokatu zen, baina txapela eman gabe gelditu zen, talde bietako jokalarien arteko istiluen ondorioz epaileak partida bertan behera utzi behar izan zuelako. Hurrengo edizioetako txapeldunak izan dira, hurrenez hurren, Athletic, Eibar, Reala eta Osasuna.

Covid19aren eraginez, IV. Euskal Herria Txapelako finala ateak itxita jokatu zen, denboraldi horretako martxotik aurrerako partida guztiak bezala. Ateak itxita jokatu ziren V. Euskal Herria Txapela 2020/21 edizioko partidak ere, eta finala aforo mugatuarekin baina zaleak bertan zirela jokatu zen Irunen, Realaren eta Osasunaren artean. Reala 1-3 Osasuna emaitzarekin amaitu zen, eta Osasuna dugu oraingo txapelduna.

Hurrengo partidak

VI. Euskal Herria Txapela 2021/22 edizioaren hurrengo partidak urtarrilean izango dira:

→ Reala – Alaves. Martxoaren 13an jokatuko da Anoetako futbol zelaian, igandearekin, arratsaldeko 18:30etan hasita.
→ Osasuna – Alaves. Apirilaren 10eko asteburuan
→ Athletic – Osasuna. Maiatzaren 15eko asteburuan

VI. Euskal Herria Txapela 2021/22