XI. Euskal Herria Kopako ‘A Multzoko’ finalerdiak jokatuko dira abuztuaren 22an, igandearekin

Real Sociedad-Alaves, 12:00etan jokatuko da Loinaz futbol zelaian, Beasainen, abuztuaren 22an.

Sarrerak

Aforo mugatua izango da.

Sarreraren prezioa: 8€.

Doan izango dira Getxo futbol taldeko bazkideentzat eta 14 urtetik beherakoentzat.

Dena dela, aforo kontuak direla eta, sarrera eskuratu beharko dute.

8 €ko sarrerak erosteko / doanekoak eskuratzeko, hemen:

Athletic-Eibar, 12:00etan jokatuko da Fadura futbol zelaian, Getxon, abuztuaren 22n.

Athletic-Eibar partida horren sarrerak eta eskuratzeko, hemen

• XI. Euskal Herria Kopa 2021 •

Abuztu honetan jokatuko da XI. Euskal Herria Kopa 2021 edizioa. Lehen partidak abuztuaren 14an jokatuko dira, eta azkena, finala, abuztuaren 29an, Zarautzen.

Bi multzo

Aurtengo edizioa bi multzotan jokatuko da. Bi multzo izango dira, bi lehiaketa paraleloen formatuan.

Halabeharrez jokatuko da horrela. Izan ere, Euskal Herria Kopan parte hartzen duten futbol talde guztiek ez dute maila bereko lehiaketetan jarduten. Eta 2021/2022 denboraldiko lehiaketak sasoi berean hasiko badira ere, joan zen denboraldia ez zuten denek batera amaitu. Hori dela eta, ezin izan da finalera iristeko egin ohi den kanporaketa sistema bakarra antolatu.

A multzoa

Lau talde arituko dira XI. Euskal Herria Kopa eskuratzeko lehian, denboraldi honetan Espainiako Lehen Mailako ligan (Liga Ellas) jokatuko duten Euskal Herriko lau taldeak hain zuzen: Real Sociedad (azken urteko txapelduna), Athletic, Eibar eta Alaves.

B multzoa

Talde honetan arituko dira Nafarroatik, Mutilvera (Mutilva); Arabatik, Aurrera de Vitoria (Gasteiz); Bizkaitik, San Ignacio (Bilbo) eta Bizkerre (Getxo); Gipuzkoatik, Añorga eta Oiartzun; eta Lapurditik, Angeluko Isatsak.

Publikoarekin jokatuko da

Iaz bezala, pandemiak baldintzatua jokatuko da XI. Euskal Herria Koparen 2021eko edizioa. Zaletuek zelaietara joateko aukera izango dute, agintariek zelai bakoitzean zelaiaren arabera ezartzen dituzten kopuruetan.

Egutegia

B MULTZOA

• Abuztuak 14, larunbata, Mutiloabeiti (Nafarroa), 12:00 : Mutilvera – Oiartzun.

• Abuztuak 14, larunbata, Añorga (Gipuzkoa), 18:00 : Añorga – Angeluko Isatsak.

• Abuztuak 14, larunbata, San Ignacio (Bilbo, Bizkaia), 18:00 : San Ignacio – Aurrera de Vitoria.

  [ Bizkerre, libre gelditu da lehen kanporaketan.]

• Abuztuaren 21 eta 22an jokatuko dira bigarren kanporaketako partidak, oraindik erabakitzeke dauden dauden zelai eta orduetan.

A MULTZOA

FINALERDIAK

• Abuztuak 22, igandea, Loinaz (Beasain, Gipuzkoa), 12:00 : Real Sociedad – Alaves.

• Abuztuak 22, igandea, Fadura (Getxo, Bizkaia), 12:00 : Athletic – Eibar.

3/4 POSTUAK

• Abuztuak 28, larunbata, Azkoagain (Oñati, Gipuzkoa), 18:00 .

FINALA

• Abuztuak 29, igandea, Asti (Zarautz, Gipuzkoa), 16:00. ETB1ek zuzenean emango du.

Realak irabazi zuen iazko X.Euskal Herria Kopa 2020

→ ehkirola.eus: VIII. Euskal Herria Kopa

→ ehkirola.eus: IX. Euskal Herria Kopa

→ ehkirola.eus: X. Euskal Herria Kopa

→ Wikipedia: Euskal Herria Kopa