TXIRRINDULARITZA
Ordiziako klasikaren parte-hartzea zehazten hasia da
![50477362221_6547118ece_z](https://ehkirola.eus/wp-content/uploads/2021/02/50477362221_6547118ece_z.jpg)
Txirrindularien tropela martxan da dagoeneko, eta hitzordu nagusietako batek, Ordiziako Klasikoak, ez du aurten ere hutsik egingo. Ekainaren 25ean jokatuko dute berriro Goierriko txirrindulari proba beteranoaren 98. edizioa, eta dagoeneko baieztatu dituzte bertan parte hartuko duten hainbat talderen izenak.
Momentuz 16 taldek eman dute baiezkoa, UCI World mailako hiruk, UCI Pro mailako bederatzik eta Kontinental UCI mailako beste lauk. Ezagunenen artean artean daude Astana, Movistar eta AG2R. Euskal ordezkaritza ere izango du probak, Euskaltel-Euskadi eta Caja Rural taldeekin. Gainera, antolakuntzak jakinarazi duenez, oraindik harremanetan ari dira hainbat talderekin, eta litekeena da besteren bat ere etortzea.
Hauek dira dagoeneko baieztatuta dituzten hamasei taldeak:
UCI World mailakoak:
- Astana – Premier Tech (Kazakhstan)
- Movistar Team (Espainia)
- AG2R Citroen Team (Frantzia)
UCI Pro mailakoak:
- Euskaltel – Euskadi (Euskal Herria)
- Caja Rural – Seguros RGA (Euskal Herria)
- Burgos – BH (Espainia)
- Kern Pharma (Espainia)
- Team Arkea (Frantzia)
- Delko (Frantzia)
- Eolo – Kometa Cycling Team (Italia)
- Rally Cycling (AEB)
- Bingoal WB (Belgika)
Kontinental UCI mailakoak:
- Efapel (Portugal)
- Electro Hiper Europa (Argentina)
- Gios – Kiwi Atlántico (Venezuela)
- LVIV (Ukraina)
Simon Carrek irabazi zuen iaz lehiaturiko Ordiziako 97. Klasika
22 urteko txirrindularia bakarrik helmugaratu zen, bere atzetik Kyle Murphy, Winner Anacona eta Jefferson Cepeda iritsi zirelarik. Unai Cuadrado, lehen euskal herritarra, bosgarren izan zen.
Sailkapenak:
Nagusia:
- Simon Carr (Nippo Delko)
- Kyle Murphy (Rally Cycling)
- Winner Anacona (Arkea Samsic)
- Jefferson Cepeda (Caja Rural – Seguros RGA)
- Unai Cuadrado (Euskaltel Euskadi)
Mendia:
- Julen Amezketa (Caja Rural – Seguros RGA)
Tarteko esprinta:
- Matis Louvel (Arkea Samsic)
Lehen euskal herritarra:
- Unai Cuadrado (Euskaltel Euskadi)
23 urtez azpikoa:
- Simon Carr (Nippo Delko)
Taldekakoa:
- Arkea Samsic
TXIRRINDULARITZA
2021eko UCI World Tourreko egutegia zehaztu da
Euskal Herriko Itzulia apirilaren 5tik 10ra izango da, Donostiako klasika uztailaren 31an eta Emakumezkoen Itzulia maiatzaren 14-16an
Elorrioko Nazioarteko Ziklokrosa, bertan behera
Datorren urteko urtarrilaren 6an lehiatzekoa zen Elorrioko proba, baina COVID19 gaitzak sorturiko pandemiaren bilakaera dela eta ezin izango da azkenean egin
Laboral kutxa taldea UCI Women´s Continental mailan lehiatuko da
Erronkari aurre egiteko hamabi txirrindulariko taldea osatu du, zazpi txirrindulari gazte berri gehitu dituelarik