IGERIKETA
Zarautz-Ubiri-Zarautz itsas zeharkaldia lehiatu zen igandean
Larunbatean egin zuten Getaria-Zarautz ohiko zeharkaldiaren ordezko lehen proba Balea Igeriketa Taldearen eskutik, eta 5.000 metroko ibilbidea egin behar izan zuten parte hartu zuten 200 igerilari inguruk, Mollarriraino joan eta etorrita.
Igandean berriz, 1.200 izan ziren uretara sartu ziren igerilariak, eta lehenengo helmugaratu ziren Alex Ojanguren donostiarra eta Candela Sanchez madrildarra. Guztira, 3.000 metro egin zituzten parte hartzaileek, Ubiri parerainoko joan-etorrian.
Gizonezkoetan, 36 minutu eta 59 segundutan helmugaratu zen Ojanguren, bigarren izan zen Enaitz Goñi hernaniarra (00:37:08) eta hirugarren Gorlizko Adnan Mustafic (00:37:11).
Emakumezkoetan berriz, 39 minutu eta 18 segundu behar izan zituen Candela Sanchez madrildarrak proba amaitzeko. Madrildarraren kasuan, gainera, bigarren garaipena izan zen igandekoa, larunbatean ere bera izan baitzen emakumezkoen artean lehen sailkatua. Bigarren sailkatu zen Amaia Zendoia donostiarra (00:40:27) eta hirugarren Itxaso Alonso bilbotarra (00:41:07).
Antolatzaileek gaineratu zutenez, zaila izan da ezohiko egoeraren ondorioz proba antolatzea, baina lagundu duten guztiak eskertu nahi izan zituzten, hoien artean hondartzara bertaraturiko zaleak, zeintzuek giro ederra sortu zuten.
Gizonezkoak:
- Alex Ojanguren (Donostia) 00:36:59
- Enaitz Goñi (Hernani) 00:37:08
- Adnan Mustafic (Gorliz) 00:37:11
- Peru Alfaro (Hernani) 00:38:15
- Ion Mujika (Donostia) 00:38:31
- Xabier Labaka (Bergara) 00:40:31
- Kepa Aldekoa (Oñati) 00:40:32
- David Rodriguez (Santiago Konpostelakoa) 00:40:42
- Mikel Iriondo (Ondarroa) 00:40:44
- Unai Agirre (Zarautz) 00:40:57
Emakumezkoak:
- Candela Sanchez (Alcorcon) 00:39:18
- Amaia Zendoia (Donostia) 00:40:27
- Itxaso Alonso (Bilbo) 00:41:07
- Amaia Iriarte (Burlata) 00:42:10
- Ana Vega (Donostia) 00:43:03
- Jone Zulueta (Etxebarri) 00:47:17
- Nerea Santos (Urnieta) 00:48:53
- Garazi Zabaleta (Zarautz) 00:49:01
- Mireia Camino (Zarautz) 00:50:00
- Naiara Perez (Azpeitia) 00:50:37
EMAITZAK: Hemen ikus daiteke sailkapen osoa.
Twitter
Athleticek irabazi du VI. Euskal Herriko Kopa
FUTBOLA/EUSKAL HERRIA KOPA Athleticek irabazi du Euskal Herriko Kopa Realaren aurka (3-0). Athleticek eraman du Gernikan jokatu den Euskal Herriko Kopa, Realaren aurrean garaipen argia erdietsiz (3-0). Euskal Herriko Kopako finala jokatu dute igande honetan...
EH Kirolak Euskal Herriko futbol talde onenaren txapelketa sortu du.
FUTBOLA Euskal herriko emakumezkoen kopa 6 urtetan zehar antolatu ondoren (2016ko finala Gernikan hurrengo 28an jokatuko da Athletic eta Real Sociedad artean), gizonezkoen taldeen artean ere nazio mailako lehiaketa abian jartzeko ahaleginetan dabil aspalditik EH...
Reala garaile Añorgaren aurka Andoainen
FUTBOLA/EUSKAL HERRIA KOPA Realak 2-0 irabazi dio Añorgari Andoainen jokatutako final erdian, eta ondorioz bera izango da abuztuan Athletic-en aurka jokatuko duena Gernikan, abuztuaren 27an egingo den finalean. Norgehiakoga politta...