“B” mailako sailkapen faseko azken jardunaldia lehiatu da larunbat honetan, jokoan zirelarik finalerako eta gainerako postuetako txartelak. 

‘B’maila: Berriozar 5-1 Eibar C

Berriozar – Eibar ‘C’ partida  Berriozarren jokatu zen, 12:15ean hasita. Azkenean, Berriozar izan zen garailea, 5-1ko markagailuarekin. Hasieratik etxekoak nagusi izan ziren, eta atsedenaldian 3-0 irabazten zuten. Bigarren zatian Eibar etxekoen atera hurbiltzen saiatu zen penaltiz gol bat sartuz, baina Berriozarren garaipena ez zen inongo momentutan zalantzan egon.

‘B’ maila: Mulier 1-0 Arratia

Larunbat honetako bigarren partida, Mulier-Arratia, Sarrigurengo futbol zelaian jokatu zen, eguerdiko 12:15ean hasita. Mulierren garaipena norgehiagokaren azken txanpan gauzatu zen, Arratiaren aurkako lehian. Carmenen gol batek (80. minutua) etxekoen merituei justizia egin zien bigarren zatian.

‘B’ maila: San Ignacio 1-6 Athletic C

Jardunaldi honetako B mailako azken partida, San Ignacio-Athletic C, San Ignacioko Udal Kiroldegiko futbol zelaian jokatu zen, arratsaldeko 17:00etan hasita, sarrera doan zelarik. Athletic C taldeak garaipen argia eskuratu zuen, partida osoan nagusi izan ondoren, eta bide batez, finalerako txartela poltsikoratu zuen.

Laburrean 

Abuztuaren 12an jokatu ziren XIII. Euskal Herria Kopa 2023 edizioaren lehen partidak. Beheko tauletan ikus daitezke orain arteko emaitzak eta Kopako egutegia ere.

Euskal Herria Kopa bi mailetan antolatu da aurten ere, taldeen egutegiak ez digulako beste aukerarik utzi. Berez, lehiaketa batean jokatzekoa da Euskal Herria Kopa  Euskal Herriko herrialde guztietako taldeen artean, behetik gorako formatoan onenak finalera iristeko aukera izanda behintzat. Aurten ere ezin izan dugu horrela antolatu baina jarraituko dugu bestelako aukerak aztertzen Koparen berezko egitura bueltatzeko hurrengo edizioetan, azken urteetan behintzat beste aukerarik izan ez badugu ere.

10 klubetako 13 talde arituko dira lehian, Athletic, Reala eta Eibarren lehen eta bigarren taldeak izango baitira ‘A’ zein ‘B’ mailetan.

Abuztuan jokatuko dira sailkapen partida guztiak eta 3/4 postuetarako zein finalak irailaren 2/3an izango dira.

XIII. Euskal Herria Kopa ‘A’

‘A’ maila izango da maila nagusia. Bertan arituko dira Alaves, Athletic, Bizkerre, Eibar eta Reala taldeak. Bi multzotan jokatuko dira eta multzo bakoitzeko lehen sailkatua sartuko da finalean. ‘A multzoan’ arituko dira Bizkerre, Alaves eta Reala. Eta ‘B multzoan’, Eibar, Osasuna eta Athletic.

Finala irailaren 3an jokatuko da, Guardian (Araba)

‘A’ maila. Egutegia | Emaitzak

.

XIII. Euskal Herria Kopa ‘B’

‘B’ maila izendatu dugun kategorian ere bi multzo izango ditugu: A multzoan arituko dira Real Sociedad B, Mulier eta Arratia; eta B multzoan Athletic C, Eibar C, Berriozar eta San Ignacio. Liga formatuan jokatuko da eta multzo bakoitzeko irabazleek finala jokatuko dute, irailaren 3an.

‘B’ maila. Egutegia | Emaitzak

→ ehkirola.eus: VIII. Euskal Herria Kopa

→ ehkirola.eus: IX. Euskal Herria Kopa

→ ehkirola.eus: X. Euskal Herria Kopa

→ ehkirola.eus: XI. Euskal Herria Kopa

→ ehkirola.eus: XII. Euskal Herria Kopa

→ Wikipedia: Euskal Herria Kopa