Abuztuaren 20an ‘A’ maileko B multzoko azken partida izango dugu XIII. EHKopan: Osasuna – Athletic

Osasuna – Athletic ‘A’ maileko B multzoko azken partida izango da. Mendigorriako El Portarron futbol zelaian jokatuko da igandean, abuztuak 20, eguerdiko 12:00etatik aurrera. Sarrera 8 €koa izango da.

‘A’ maileko B multzoan dagoeneko partida bi jokatu dira: Eibar 3-0 Osasuna eta Athletic 1-1 Eibar. Emaitza horien onoren, sailkapen multzoko hirugarren eta azken partidan, Athleticek 3 gol baino gehiagorekin nagusitu beharko da Kopako finalerako sailkatzeko. 3 golarekin Eibarrekin berdinduta geldituko litzateke, eta finaleko pasea, kasu horretan, puntu eta goletan berdinduez gero, zozketa egingo litzateke partida amaitu eta gero zelaian bertan erabakitzeko finalera nor pasako den.

Laburrean

Abuztuaren 12an jokatu ziren dagoeneko XIII. Euskal Herria Kopa 2023 edizioaren lehen partidak. Orain arteko emaitzak eta egutegia beheko tauletan ikus aitezke.

Euskal Herria Kopa bi mailetan antolatu da aurten ere, taldeen egutegiak ez digulako beste aukerarik utzi. Berez, lehiaketa batean jokatzekoa da Euskal Herria Kopa  Euskal Herriko herrialde guztietako taldeen artean, behetik gorako formatoan onenak finalera iristeko aukera izanda behintzat. Aurten ere ezin izan dugu horrela antolatu baina jarraituko dugu bestelako aukerak aztertzen Koparen berezko egitura bueltatzeko hurrengo edizioetan, azken urteetan behintzat beste aukerarik izan ez badugu ere.

10 klubetako 13 talde arituko dira lehian, Athletic, Reala eta Eibarren lehen eta bigarren taldeak izango baitira ‘A’ zein ‘B’ mailetan.

Abuztuan jokatuko dira sailkapen partida guztiak eta 3/4 postuetarako zein finalak irailaren 2/3an izango dira.

XIII. Euskal Herria Kopa ‘A’

‘A’ maila izango da maila nagusia. Bertan arituko dira Alaves, Athletic, Bizkerre, Eibar eta Reala taldeak. Bi multzotan jokatuko dira eta multzo bakoitzeko lehen sailkatua sartuko da finalean. ‘A multzoan’ arituko dira Bizkerre, Alaves eta Reala. Eta ‘B multzoan’, Eibar, Osasuna eta Athletic.

Finala irailaren 3an jokatuko da, Guardian (Araba)

‘A’ maila. Egutegia | Emaitzak

.

XIII. Euskal Herria Kopa ‘B’

‘B’ maila izendatu dugun kategorian ere bi multzo izango ditugu: A multzoan arituko dira Real Sociedad B, Mulier eta Arratia; eta B multzoan Athletic C, Eibar C, Berriozar eta San Ignacio. Liga formatuan jokatuko da eta multzo bakoitzeko irabazleek finala jokatuko dute, irailaren 3an.

‘B’ maila. Egutegia | Emaitzak

→ ehkirola.eus: VIII. Euskal Herria Kopa

→ ehkirola.eus: IX. Euskal Herria Kopa

→ ehkirola.eus: X. Euskal Herria Kopa

→ ehkirola.eus: XI. Euskal Herria Kopa

→ ehkirola.eus: XII. Euskal Herria Kopa

→ Wikipedia: Euskal Herria Kopa