ERRUGBIA/EBRC

II. Euskal Errugbi Liga 2020

by | 2020/01/27

II. Euro Basque Rugby Challenge (EBRC)-Euskal Errugbi Liga 2020

Gaur sinatu dute Hendaian Iñaki Laskurain Euskal Errugbi Federazioko presidenteak eta Arola Urdangarin Akitania Berria-Euskadi-Nafarroa Euroeskualdeko zuzendariak lehiaketako bigarren ediziorako hitzarmena.

Hiru kategoriatan jokatuko da: gizonezkoen 1. eta 2. mailakoa eta emakumezkoa izango ditu aurtengo edizioak.

Errugbiko 2020-21ko aurredenboraldian jokatuko dira partida guztiak gizonezkoen lehen mailako kategorian, hau da, abuzutuaren eta iraila hasieraren bueltan. Beste kategorietan, hau da, gizonezkoen 2. kategorian eta emakumezkoan, akaso udaberrian; taldeen egutegiak eta gogoak kontutan hartuta zehaztuko da egutegia azken batean.

2019an aurkeztu zen Euro Basque Rugby Challenge (EBRC) – Euskal Errugbi Liga, Euskadiko, Nafarroako eta Iparraldeko (Errugbi 64 Departamentu Batzordea) errugbi-federazioetako ekimenez eta Eusko Jaurlaritza eta Akitania Berria-Euskadi-Nafarroa Euroeskualdearen babesarekin.

 

 

2019ko lehen edizioan abuztuan eta irailaren lehen astean jokatu ziren partidak. Finalak Ordizian jokatu ziren uztailaren 7an. Baionako Aviron taldeak irabazi zuen txapela.

 

 

#EBRC 1. jardunaldia: Hernani 19 – 33 Aviron

#EBRC 1. jardunaldia: Hernani 19 – 33 Aviron

Euskal Errugbi Ligako [EBRC] A Multzoko 1. jardunaldia: Hernani 19 – 33 Aviron. Hilaren 24an jokatuko da B Multzoko 1. jardunaldia: Ordizia-Anglet eta Bera Bera-Biarritz

Share This