Athletic – Reala

Igandean jokatuko da Athletic-Reala norgehiagoka, otsailaren 20an, 21:00etan hasita. VI.Euskal Herria Txapela 2021/22 edizioaren zortzigarren partida izango da.

Denboraldi honetako Reala eta Athleticen arteko lehen bueltako partida urriaren 31n jokatu zen eta berdinketarekin amaitu zen: Reala 1-1 Athletic

Sailkapena

VI. Euskal Herria Txapelaren 2021/22 edizioaren zazppigarren partida jokatuta, Athletic daukagu sailkapenaren buruan, zortzi punturekink. Reala da bigarrena, bost punturekin. Ondoren Osasuna daukagu sailkapenean, hiru punturekin, eta, azkena puntuetan, Alaves, puntu bakarrarekin.

Euskal Herria Txapela

Euskal Herria Txapela Espainiako lehen mailako ligan ari diren euskal taldeen artean jokatzen da. Elkarren aurkako partidak kontutan hartuta sailkapena egiten da eta puntu gehien ateratzen dituzten bi taldeen artean jokatzen da finala.

2016/17 denboraldian jokatu zen lehen edizioa, denboraldi horretan lehen aldiz Euskal Herriko bost talde aritu zirelarik. Edizio horretako finala Athletic eta Alaves artean jokatu zen, baina txapela eman gabe gelditu zen, talde bietako jokalarien arteko istiluen ondorioz epaileak partida bertan behera utzi behar izan zuelako. Hurrengo edizioetako txapeldunak izan dira, hurrenez hurren, Athletic, Eibar, Reala eta Osasuna.

Covid19aren eraginez, IV. Euskal Herria Txapelako finala ateak itxita jokatu zen, denboraldi horretako martxotik aurrerako partida guztiak bezala. Ateak itxita jokatu ziren V. Euskal Herria Txapela 2020/21 edizioko partidak ere, eta finala aforo mugatuarekin baina zaleak bertan zirela jokatu zen Irunen, Realaren eta Osasunaren artean. Reala 1-3 Osasuna emaitzarekin amaitu zen, eta Osasuna dugu oraingo txapelduna.

Hurrengo partidak

VI. Euskal Herria Txapela 2021/22 edizioaren hurrengo partidak urtarrilean izango dira:

→ Athletic-Reala. Otsailaren 20an, igandearekin, 21:00ean hasita, San Mamesen.
→ Reala-Osasuna. Otsailaren 27ko asteburuan, oraindik data eta ordua zehaztu gabe daudelarik.

VI. Euskal Herria Txapela 2021/22