Athletic – Osasuna

Igandean, maiatzak 15, jokatuko da Athletic-Osasuna, San Mames futbol zelaian. Azken orduko aldaketarekin, 19:30etan hasiko da norgehiagoka. VI.Euskal Herria Txapela 2021/22 edizioaren hamabigarren eta sailkapen faseko azken partida izango da.

Denboraldi honetako Osasuna eta Athletic arteko lehen bueltako partida urtarrilaren 3an jokatu zen Sadarren. Athelticek eraman zituen hiru puntuak: Osasuna 1-3 Athletic

Sailkapena

VI. Euskal Herria Txapelaren 2021/22 edizioaren sailkapen faseko azken partida hau jokatu aurretik ere badakigu finalean izango diren taldeak nor izango diren: Athletic-Reala, orden horretan gainera. Izan ere, matematikoki orden horretan geltituko dira eta Athletic izango dugu etxeko taldea finalean, hau da, finala jokatuko den zelaia aukeratu ahal izango duena. Oraingoz, sailkapenean, biak daude 11 punturekin. Athletik, jokatzeko beste partida bat izanik ere, elkarren aurkako emaitzak kontuan  hartuta, Realaren aurretik geldituko da. Horien atzetik, Osasunak sei puntu ditu eta, Alavesek, puntu bi.

Finala

VI. Euskal Herria Txapelaren 2021/22 edizioaren finala Athletic-Reala artean jokatuko da, oraindik zehazteke dagoen zelaian eta egunean.

Euskal Herria Txapela

Euskal Herria Txapela Espainiako lehen mailako ligan ari diren euskal taldeen artean jokatzen da. Elkarren aurkako partidak kontutan hartuta sailkapena egiten da eta puntu gehien ateratzen dituzten bi taldeen artean jokatzen da finala.

2016/17 denboraldian jokatu zen lehen edizioa, denboraldi horretan lehen aldiz Euskal Herriko bost talde aritu zirelarik. Edizio horretako finala Athletic eta Alaves artean jokatu zen, baina txapela eman gabe gelditu zen, talde bietako jokalarien arteko istiluen ondorioz epaileak partida bertan behera utzi behar izan zuelako. Hurrengo edizioetako txapeldunak izan dira, hurrenez hurren, Athletic, Eibar, Reala eta Osasuna.

Covid19aren eraginez, IV. Euskal Herria Txapelako finala ateak itxita jokatu zen, denboraldi horretako martxotik aurrerako partida guztiak bezala. Ateak itxita jokatu ziren V. Euskal Herria Txapela 2020/21 edizioko partidak ere, eta finala aforo mugatuarekin baina zaleak bertan zirela jokatu zen Irunen, Realaren eta Osasunaren artean. Reala 1-3 Osasuna emaitzarekin amaitu zen, eta Osasuna dugu oraingo txapelduna.

VI. Euskal Herria Txapela 2021/22