Athletic – Alaves

Athletic-Alaves urriaren 1ean jokatuko da, ostiralarekin, 21:30etan, Santander Ligak erabaki berri duenez. Hartara, VI.Euskal Herria Txapela 2021/22 edizioaren bigarren partida izango da, aste honetako larunbatean Alaves-Osasuna jokatuko baita.

Euskal Herria Txapela

Euskal Herria Txapela, arestian azaldu bezala, Espainiako lehen mailako ligan jokatzen duten euskal taldeen artean jokatzen da. Elkarrean aurkako partidak kontutan hartuta sailkapena egiten da eta puntu gehien ateratzen dituzten bi taldeen artean jokatzen da finala.

2016/17 denboraldian jokatu zen lehen edizioa, denboraldi horretan lehen aldiz Euskal Herriko bost talde aritu zirelarik. Edizio horretako finala Athletic eta Alaves artean jokatu zen, baina txapela eman gabe gelditu zen, talde bietako jokalarien arteko istiluen ondorioz epaileak partida bertan behera utzi behar izan zuelako. Hurrengo edizioetako txapeldunak izan dira, hurrenez hurren, Athletic, Eibar, Reala eta Osasuna.

Publikoarekin jokatuko da

Aurreko denboraldi osoa publikorik gabe jokatu dira partida guztiak Covid19ko alarma sanitarioa dela eta. Orain artean, EAEn jokatzen diren partidetan   %30eko gehieneko edukiera ezarri zuen Jaurlaritzak. Espainiako Futbol Liga Profesionalak, ordea, helegite bat aurkeztu zuen horren kontra, eta aintzat hartu du Auzitegi Nagusiak: gehienezko edukiera %60koa izango da erkidego honetan.

Hurrengo partidak

VI. Euskal Herria Txapela 2021/22 edizioaren hurrengo partida hauxe izango da:

→ Alaves-Osasuna. Irailaren 18an jokatuko da, larunbatarekin, gaueko 21:00etan, Mendizorrotzan.
→ Athletic-Alaves. Urriaren 1ean jokatuko da, ostiralarekin, gaueko 21:00etan, San Mamesen.

VI. Euskal Herria Txapela 2021/22