Abuztuaren 19an hiru partida izango ditugu XIII. EHKopan. Hirurak ‘B’ maileko partidak izango dira: Arratia-Reala B, Berriozar-San Ignacio eta Eibar C-Athletic C.

Arratia – Reala

Igorreko Urbieta futbol zelaian jokatuko da, triangeluar formatoan. Izan ere, Arratia – Bizkerre B eta Reala B arteko norgehiagokoa izango da, hirurak gainerako bien kontra jokatuko dute, baina ‘B’ maileko sailkapenari begira Arratia – Reala B arteko jokoaren emaitza bakarrik hartuko da kontutan. Larunbatean jokatuko da, abuztuak 19, goizeko 11:00etan hasita. Sarrera doan izango da.

Berriozar – San Ignacio

Berriozar – San Ignacio ‘B’ maileko partida ere larunbatean jokatuko da, abuztuak 19, Berriozarren, 12:15ean hasita. Sarrera doan izango da.

Eibar C – Athletic C

Larunbat honetako hirugarren partia, Eibar C – Athletic C, ‘B’ mailekoa hau ere, Eibarko Unbe futbol zelaian jokatuko da, arratsaldeko 17:30ean hasita. Sarrera doan izango da.

Laburrean

Abuztuaren 12an jokatu ziren XIII. Euskal Herria Kopa 2023 edizioaren lehen partidak. Beheko tauletan ikus daitezke orain arteko emaitzak eta Kopako egutegia ere.

Euskal Herria Kopa bi mailetan antolatu da aurten ere, taldeen egutegiak ez digulako beste aukerarik utzi. Berez, lehiaketa batean jokatzekoa da Euskal Herria Kopa  Euskal Herriko herrialde guztietako taldeen artean, behetik gorako formatoan onenak finalera iristeko aukera izanda behintzat. Aurten ere ezin izan dugu horrela antolatu baina jarraituko dugu bestelako aukerak aztertzen Koparen berezko egitura bueltatzeko hurrengo edizioetan, azken urteetan behintzat beste aukerarik izan ez badugu ere.

10 klubetako 13 talde arituko dira lehian, Athletic, Reala eta Eibarren lehen eta bigarren taldeak izango baitira ‘A’ zein ‘B’ mailetan.

Abuztuan jokatuko dira sailkapen partida guztiak eta 3/4 postuetarako zein finalak irailaren 2/3an izango dira.

XIII. Euskal Herria Kopa ‘A’

‘A’ maila izango da maila nagusia. Bertan arituko dira Alaves, Athletic, Bizkerre, Eibar eta Reala taldeak. Bi multzotan jokatuko dira eta multzo bakoitzeko lehen sailkatua sartuko da finalean. ‘A multzoan’ arituko dira Bizkerre, Alaves eta Reala. Eta ‘B multzoan’, Eibar, Osasuna eta Athletic.

Finala irailaren 3an jokatuko da, Guardian (Araba)

‘A’ maila. Egutegia | Emaitzak

.

XIII. Euskal Herria Kopa ‘B’

‘B’ maila izendatu dugun kategorian ere bi multzo izango ditugu: A multzoan arituko dira Real Sociedad B, Mulier eta Arratia; eta B multzoan Athletic C, Eibar C, Berriozar eta San Ignacio. Liga formatuan jokatuko da eta multzo bakoitzeko irabazleek finala jokatuko dute, irailaren 3an.

‘B’ maila. Egutegia | Emaitzak

→ ehkirola.eus: VIII. Euskal Herria Kopa

→ ehkirola.eus: IX. Euskal Herria Kopa

→ ehkirola.eus: X. Euskal Herria Kopa

→ ehkirola.eus: XI. Euskal Herria Kopa

→ ehkirola.eus: XII. Euskal Herria Kopa

→ Wikipedia: Euskal Herria Kopa