FUTBOLA / XII. EUSKAL HERRIA KOPA
XII. Euskal Herria Kopa • Aurkezpena
XII.Euskal Herria Kopa 2022 edizioaren aurkezpena
Jendaurrean aurkeztu dugu gaur goizean XII. Euskal Herria Kopa 2022 edizioa. Tolosako Berazubi futbol zelaian egin da aurkezpena, hain zuzen bertan jokatuko delako Reala–Athletic finalerdia datorren abuztuaren 28an. Bertan izan dira gaur goizean Kike Zurutuza Euskal Herria Kirola elkarteko arduraduna, Iñaki Martixa Tolosa CF kirol elkarteko presidentea, Maite Azkoaga Realeko zuzendaritzako kontseilaria eta Naroa Uriarte Athletic Club taldeko jokalaria.
Euskal Herriaren Koparen nondik norakoak azaldu ditu Zurutuzak. VI. Euskal Herria Txapelako finala jokatu berri, zorionak eman dizkio Athletic taldeari, txapeldunari, eta azpimarratu egin du EH Txapela zein EH Kopa lehiaketen helburua dela Euskal Herria kirol eremua osatzen bidean urratsak ematea, eta norabide horrek ematen diela indarra eta garrantzia lehiaketa hauei. Ildo horretan, Euskal Herria Kopa nabarmendu du, aurtengoa XII. edizioa izango delarik.
Edizio honen inguruko antolaketaz eta egutegiaz, aurtengo Kopa ere bi mailetan antolatu behar izana aipatu du, taldeen egutegiak behartuta egin dela, baina azpimarratu du Euskal Herria Kirolaren asmoa dela hurrengo edizioetan behetik gorako lehiaketa batean jokatzea, dauden aukera guztiak aztertuko dituela parte hartzen duten klubekin batera eta bere esku dauden ahaleginak egingo dituela horrela izan dadin.
Bi mailen osaketaz, A mailean Eibar eta Osasunaren artean zozkatu behar izan dela ekarri du gogora. Eibar sartu da, eta Osasunak tamalez ez du parte hartuko aurtengo edizioan arrazoi horrengatik.
Reala-Athletic finalerdia Berazubin jokatzea erabaki da Tolosa FT-ren ehun urteurrena kontutan harturik, eta Iñaki Martixak ere eskerrak eman ditu Berazubi aukeratzeagatik eta ohoretzat jo du Euskal Herriko Kopako futbolaren elite maila honetako partida bat bertan hartzea hain zuen Tolosa FTk ehun urte egiten dituztenean. Maite Azkoaga Realeko zuzendaritzako ordezkariak gogoratu egin du jokalarien anbizioa horrelako partida batean, derbi bat dela eta guztiek gustokoa dutela horrelako erronkak lehiatzea. Naroa Uriarte Athleticeko jokalariak ere esan du gogoz arituko direla Realaren aurkako norgehiagokan, derbidak bereziak direla beraientzat eta Tolosan jokatzeak gainera gehigarri bat dela.
Euskal Selekzioaren ofizialtasuna aldarrikatu dute aurkezpenean: Guk Gurea!
Egutegiak
Abuztuaren 13an jokatuko dira XI. Euskal Herria Kopa 2022 edizioaren lehen partidak.
Abuztuan jokatuko dira A maileko finalerdiak eta B maileko kanporaketa guztiak. Finalak irailaren hasieran jokatuko dira maila bietan.
‘A maila’
A maila izango da maila nagusia. Bertan arituko dira futboleko maila nagusian diharduten Alaves, Athletic eta Reala taldeak, gehi, koadratzeko, Eibar taldea. Finalerdiak jokatuko dira eta finalerdietako irabazleek jokatuko dute finala.
Finalerdiak, zozketa eginda, hauexek izango ditugu:
• Reala – Athletic. ETBk zuzenean emango du.
• Eibar – Alaves
Finala ere ETBk zuzenean emango du.
‘A maila’ egutegia
| A MAILA | TALDEA | EMAITZA | TALDEA | KRONIKA |
|---|---|---|---|---|
| A FINALERDIAK | ||||
| 2022.08.28 12:00 MINTXETA (Elgoibar) | Eibar | 0-3 | Alaves | ehkirola.eus |
| 2022.08.28 16:00 BERAZUBI (Tolosa) • ETB1 • | Reala | 3-1 | Athletic | ehkirola.eus |
| A 3/4 POSTUAK | ||||
| 2022.09.03 17:00 Sondika | Athletic | 2-0 | Eibar | ehkirola.eus |
| A FINALA | ||||
| 2022.09.04 16:00 Azkoitia • ETB1 • | Reala | 4-1 | Alaves | ehkirola.eus |
‘B maila’
B maila izendatu dugun kategorian bi multzo izango ditugu: A multzoan arituko dira Oiartzun, San Ignacio, Berriozar, Mulier eta Gasteizko Aurrera; eta B multzoan Bizkerre, Tolosa eta Angeluko Isatsak. Ligazko formatuan jokatuko da eta multzo bakoitzeko irabazleek finala jokatuko dute, irailaren 3an.
‘B maila’ egutegia
| B MAILA | TALDEA | EMAITZA | TALDEA | KRONIKA |
|---|---|---|---|---|
| A MULTZOA | ||||
| 2022.08.13 12:30 OIARTZUN | Oiartzun | 0-0 [9-8 p.] | Mulier | ehkirola.eus |
| 2022.08.13 12:00 SAN IGNACIO | San Ignacio | 1-0 | Berriozar | ehkirola.eus |
| 2022.08.20 12:30 SAN IGNACIO | San Ignacio | 3-2 | Oiartzun | ehkirola.eus |
AURRERA | Aurrera | Bertan behera | Berriozar | ehkirola.eus |
| 2022.08.27 12:15 BERRIOZAR | Berriozar | 2-4 | Oiartzun | ehkirola.eus |
| 2022.08.27 12:00 SALESIANOS | Mulier | 1-0 | San Ignacio | ehkirola.eus |
| B MULTZOA | ||||
| 2022.08.13 18:00 USABAL [Tolosa] | Tolosa | 0-1 | Bizkerre | ehkirola.eus |
| 20221.08.21 FADURA [Getxo] | Bizkerre | 15-0 | Angeluko Isatsak | ehkirola.eus |
TOLOSA | Tolosa | Bertan behera | Angeluko Isatsak | ehkirola.eus |
| B FINALA | ||||
| 2022.09.04 12:00 San Ignacio | San Ignacio | 1-1 [7-6 p.] | Bizkerre | ehkirola.eus |
Sarrerak • Reala-Athletic • Finalerdia • Abuztuak 28
Sarrerak erosteko → https://ehkirola.eus/sarrerak/
→ ehkirola.eus: VIII. Euskal Herria Kopa
→ ehkirola.eus: IX. Euskal Herria Kopa
→ ehkirola.eus: X. Euskal Herria Kopa
→ Wikipedia: Euskal Herria Kopa
Athleticek irabazi zuen XI.Euskal Herria Kopa 2021eko ‘A’ maileko edizioa
Añorga izan zen ‘B’ maileko XI. Euskal Herria Kopa 2021eko txapelduna
Twitter
Twitter
Athleticek irabazi du VI. Euskal Herriko Kopa
FUTBOLA/EUSKAL HERRIA KOPA Athleticek irabazi du Euskal Herriko Kopa Realaren aurka (3-0). Athleticek eraman du Gernikan jokatu den Euskal Herriko Kopa, Realaren aurrean garaipen argia erdietsiz (3-0). Euskal Herriko Kopako finala jokatu dute igande honetan...
EH Kirolak Euskal Herriko futbol talde onenaren txapelketa sortu du.
FUTBOLA Euskal herriko emakumezkoen kopa 6 urtetan zehar antolatu ondoren (2016ko finala Gernikan hurrengo 28an jokatuko da Athletic eta Real Sociedad artean), gizonezkoen taldeen artean ere nazio mailako lehiaketa abian jartzeko ahaleginetan dabil aspalditik EH...
Reala garaile Añorgaren aurka Andoainen
FUTBOLA/EUSKAL HERRIA KOPA Realak 2-0 irabazi dio Añorgari Andoainen jokatutako final erdian, eta ondorioz bera izango da abuztuan Athletic-en aurka jokatuko duena Gernikan, abuztuaren 27an egingo den finalean. Norgehiakoga politta...