“B” mailako sailkapen faseko azken jardunaldian emandako emaitzen ondoren, Reala B eta Athletic C taldeak sailkatu dira finalerako

Euskal Herria Kopa bi mailetan antolatu da aurten ere, taldeen egutegiak ez digulako beste aukerarik utzi. ‘B’ maila izendatu dugun kategorian ere bi multzo izan ditugu: A multzoan aritu dira Athletic C, Eibar C, Berriozar eta San Ignacio, eta B multzoan berriz, Real Sociedad B, Mulier eta Arratia. Liga formatuan jokatu da eta multzo bakoitzeko irabazleek finala jokatuko dute, irailaren 3an.

A multzoari dagokionez, Athletic C taldea izan da jaun eta jabe, jokatutako hiru partidak irabazita eta gol zaparrada lortuz. Bigarren eta hirugarren San Ignacio eta Berriozar izan dira, hurrenez hurren, biak lau punturekin, eta Eibar C sailkatu da laugarren postuan.

“A” MULTZOKO SAILKAPENA

B multzoan aldiz, Reala B-k eskuratu du multzoko lidergoa bere bi norgehiagokak emaitza berdinarekin irabaziz (2-0). Bigarren postua Mulierrentzat izan da Arratia garaitu ondoren, eta azken hauek sailkatu dira hirugarren postuan.

“B” MULTZOKO SAILKAPENA

Beraz, Reala B eta Athletic C sailkatu dira “B” mailako finalerako, zeina Durangon jokatuko da, irailaren 2an, larunbata, Tabirako futbol zelaian, arratsaldeko 18:00etatik aurrera.

Hirugarren eta laugarren postuak zehazteko lehia berriz, Mulier eta San Ignacioren artekoa, San Ignacioko udal kiroldegian jokatuko da irailaren 3an, eguerdiko 12:00etan hasita.

Azkenik, bosgarren postua zeinek eskuratuko, nor baino nor gehiago arituko dira Arratia eta Eibar C, irailaren 2an, Igorren, 15:30etan.

‘B’ maila. Egutegia | Emaitzak

→ ehkirola.eus: VIII. Euskal Herria Kopa

→ ehkirola.eus: IX. Euskal Herria Kopa

→ ehkirola.eus: X. Euskal Herria Kopa

→ ehkirola.eus: XI. Euskal Herria Kopa

→ ehkirola.eus: XII. Euskal Herria Kopa

→ Wikipedia: Euskal Herria Kopa