Primoz Roglic (Jumbo) esloveniarrak irabazi du 2021eko Itzulia, Arrateko igoeran amaitu den azken etaparen ondoren. Etaparen garailea izan den David Gaudu (Groupama) frantziarrarekin batera heldu da Roglic Arratera, azken igoeran Hugh Carthy britainiarra (EF) atzean utzi eta gero.

Etapa zirraragarria izan da, 112 kilometro eta zazpi mendatekoa ibilbidean lehian zeuden txirrindulari eta talde guztiak helburuak lortzen buru-belarri saiatu direlarik.

Lasterketa helmugatik 50 kilometrora erabaki da, Gorla-Elosua mendatearen jaitsieran, une horretan tropela zatitu baita, Alex Aranburuk , Ion Izagirrek, Roglic,Valverde eta Landak aurrera egin dutelarik, Pogacar eta McNulty atzean utzita.

Arrateko lehendabiziko pasaeran, Roglic lehena zen David Gaudu (Groupama) eta Hugh Carthy (EF) alboan zituela, gainontzeko iheskideak bidean utzita. Pogacar minutu erdira zegoen, eta McNulty liderra atzerago jadanik aukera guztiak galduta.

Pogacarrek bat egin zuen Valverde, Landa eta Adam Yatesen (Ineos) taldearekin, baina Roglicek tinko eutsi zion abantailari helmugara arte, bertan Gaudu nagusitu zelarik. Alejandro Valverde espainiarra izan zen hirugarren helmugan 34 segundora, eta berarekin batera iritsi ziren Adam Yates (Ineos), Tadej Pogacar (UAE Emirates) eta Jonas Vingegaard.

Gauzak horrela, Jumbo-Visma taldeko esloveniarrak 52 segundo atera dizkio Vingegaard taldekideari sailkapen nagusian, eta 1:07 Pogacarri. Pello Bilbaok seigarren amaitu du eta eta Landak bederatzigarren.

6. etaparen sailkapena:

1. David Gaudu (Groupama) 3:05:42
2. Primoz Roglic (Jumbo)           d.b.
3. Alejandro Valverde (Mo.)      35ra
4. Adam Yates (Ineos)                d.b.
5. Tadej Pogacar (UAE)               d.b.
6. Jonas Vingegaard (Jumbo)     d.b.
7. Pello Bilbao (Bahrain)           1:03ra
8. Esteban Chaves (Bike Ex.)    1:05ra
9. Mikel Landa (Bahrain)          d.b.
10.Mauri Vansevenant (Dec.)   1:55ra
11. Ion Izagirre (Astana)          d.b.
29. Txomin Juaristi (Eus.)     11:57ra
36. Jonathan Lastra (C.R.)    12:23ra
55. Jon Agirre (Kern Ph.)      12:58ra
65. Gotzon Martín (Eus.)      14:45ra
66. Jon Barrenetxea (CR)     15:32ra
75. Álex Aranburu (Astana) 18:18ra
76. Omar Fraile (Astana)         d.b.
79. Óscar Rodríguez (Astana)  d.b.
83.  Mikel Nieve (Bike Exchan.) d.b.
87. Mikel Iturria (Euskaltel)     d.b.
93. Mikel Aristi (Euskaltel)       d.b.
103. Ander Okamika (Bur.)   19:40ra
Jon Aberasturi (C. R.)  Lasterketa utzita
Urko Berrade (Kern P.) Lasterketa utzita
Unai Cuadrado (Eusk.) Lasterketa utzita
Oier Lazkano (C. Rural) Lasterketa utzita
Jon Irisarri (C. Rural)  Lasterketa utzita

Sailkapen nagusia:

1. Primoz Roglic (Jumbo)    19:11:36
2. Jonas Vingegaard (Jumbo)     52ra
3. Tadej Pogacar (UAE)              1:07ra
4. Adam Yates (Ineos)               1:26ra
5. David Gaudu (Groupama)   1:27ra
6. Pello Bilbao (Bahrain)          1:28ra
7. Alejandro Valverde (Mo.)     1:33ra
8. Mikel Landa (Bahrain)          2:17ra
9. Esteban Chaves (Bike Ex.)   2:38ra
10. Ion Izagirre (Astana)         2:59ra
26. Jonathan Lastra (C.R.)      16:58ra
38. Álex Aranburu (Astana)    25:04ra
43. Jon Agirre (Kern Ph.)         28:52ra
49. Mikel Nieve (Bike Ex.)      31:24 ra
53. Gotzon Martín (Eus.)       34:49ra
71. Omar Fraile (Astana)       43:11ra
74. Txomin Juaristi (Eus.)      44:25ra
87. Jon Barrenetxea (CR)      50:59ra
94. Óscar Rodríguez (As.)     57:46ra
97. A. Okamika (Burgos)     1:01:05ra
99. Mikel Iturria (Euskal.)   1:02:35ra
102.Mikel Aristi (Euskal.)    1:07:57ra

Mendiko sailkapena

1 ROGLIC Primož Team Jumbo-Visma 34 puntu
2 POGACAR Tadej UAE-Team Emirates 27
3 GAUDU David Groupama – FDJ 20

Taldekako sailkapena

1 Team Jumbo-Visma WT 57:47:23
2 Bahrain – Victorious WT 3:18ra
3 UAE-Team Emirates WT 18:04ra

Puntuetako sailkapena

1 ROGLIC Primož Team Jumbo-Visma 106
2 POGACAR Tadej UAE-Team Emirates 75
3 GAUDU David Groupama – FDJ 61

Gazteen sailkapena

1 VINGEGAARD Jonas Team Jumbo-Visma 19:12:28
2 POGACAR Tadej UAE-Team Emirates 0:15ra
3 GAUDU David Groupama – FDJ 0:35ra

Itzuliaren Palmaresa