Osasuna – Reala

Osasuna-Reala azaroaren 7an jokatuko da, igandearekin, 18:30etan hasita, Santander Ligak erabaki berri duenez. VI.Euskal Herria Txapela 2021/22 edizioaren laugarren partida izango da.

Euskal Herria Txapela

Euskal Herria Txapela Espainiako lehen mailako ligan ari diren euskal taldeen artean jokatzen da. Elkarren aurkako partidak kontutan hartuta sailkapena egiten da eta puntu gehien ateratzen dituzten bi taldeen artean jokatzen da finala.

2016/17 denboraldian jokatu zen lehen edizioa, denboraldi horretan lehen aldiz Euskal Herriko bost talde aritu zirelarik. Edizio horretako finala Athletic eta Alaves artean jokatu zen, baina txapela eman gabe gelditu zen, talde bietako jokalarien arteko istiluen ondorioz epaileak partida bertan behera utzi behar izan zuelako. Hurrengo edizioetako txapeldunak izan dira, hurrenez hurren, Athletic, Eibar, Reala eta Osasuna.

Publikoarekin jokatuko da

Aurreko denboraldi osoan publikorik gabe jokatu ziren partida guztiak Covid19ko alarma sanitarioa dela eta. Aurtengoan, baina, edukiaren gorabeherak izan badira ere, publikoarekin ari dira jokatzen.

Sailkapena

VI. Euskal Herria Txapelaren 2021/22 edizioaren bi partida jokatu dira dagoeneko eta sailkapenaren buruan daude Athletic eta Osasuna. Realak ez du oraindik jokatzerik izan, eta Alaves azken postuan dago, jokatu dituen bi partidetan puntu bat bera ere lortu gabe.

Hurrengo partidak

VI. Euskal Herria Txapela 2021/22 edizioaren hurrengo partidak hauxek izango dira:

→ Reala-Athletic. Urriaren 31n jokatuko da, igandearekin, Anoetan, 21:00etan hasita.
→ Osasuna-Reala. Azaroaren 7an jokatuko da, igandearekin, Sadarren, 18:30etan hasita.

VI. Euskal Herria Txapela 2021/22