Mendaroko Txirrindulari Elkarteak eta Euskal Mendizale Federazioak antolatutako X. Kilimon Trailean (EMF Kopako zirkuituko bigarren proba puntuagarria) guztira 250 korrikalarik parte hartu zuten 23 kilometroko eta 11 kilometroko lasterketetan. Maila absolutuan, 23 kilometrokoa, txirrindulari guztien artean, Onditz Iturbe izan zen azkarrena emakumezkoetan eta Javi Goitia gizonezkoetan.

Mendarokoa ibilbide gogorra izan zen eta gainera hotzari aurre egin behar izan zioten 1.650 metroko desnibel positiboa gainditu zuten parte-hartzaileek, igoerarik gogorrena zen Otarre mendian elurra topatu zutelarik.  

Onditz Iturbek bere sasoi bikaina erakutsi zuen ibilbidea 2:21:43ko denboran osatuz, bigarren izan zen Ainara Urrutia baino ia 5 minutu eta erdi azkarrago.

Lehiatuagoa izan zen gizonezkoen lasterketa, non Javi Goitia nagusitu zen, 2 ordu, minutu bat eta 43 segundotan helmugaratuta,  atzetik oso gertu izan zituelarik Imanol Goñi eta Asier Larruzea, guztiak 10 segundoren aldean.

Bigarren proba honek aldaketa ekarri du EMF Kopako sailkapen orokorrean. Gizonezkoetan Larruzeak lider izaten jarraitzen badu ere, Sampedrok Azkorbebeitiaren lekukoa hartu du emakumezkoen lidergoan. Hurrengo hitzordua Amurrio Trail izango da, ekainaren 19an hain zuzen ere, eta ondoren Bastida Traila eta Urduñako Mendi Lasterketa antolatu dira.

Halaber, 11 kilometroko lasterketa burutu zen Mendaron. Mutiletan Jon Baz izan zen helmuga zeharkatzen lehena eta nesketan, Estizen Duque izan zen azkarrena.

2022ko KILIMON TRAILEKO SAILKAPENA

GIZONEZKOEN ABSOLUTUA

1. Javi Goitia
2. Imanol Goñi
3. Asier Larruzea

EMAKUMEZKOEN ABSOLUTUA

1. Onditz Arginzoniz
2. Ainara Urrutia
3. Mayi Mujika

GIZONEZKOEN JUNIORRAK

1. Jon Baz
2. Aingeru Sainz
3. Ibai Angulo

EMAKUMEZKOEN JUNIORRAK

1. Estizen Duque
2. Ainhoa Caporossi
3. Itziar Amutxastegi

2022ko EMF KOPAKO SAILKAPENA

GIZONEZKOEN ABSOLUTUA

1. Asier Larruzea

EMAKUMEZKOEN ABSOLUTUA

1. Garazi Sampedro