EUSKAL KIROLA

Kirolean generoaren araberako bereizketa abolitzeko manifestua

by | 2020/02/26

 

Urtero bezala, pasa den otsailaren 19an, kirol esparruko LGTBI+fobiaren aurkako eguna ospatu zen

 

Aurten, aldarrikapen egun honen harira Ikusgune – LGTBI+fobiaren aurkako behatokiak eta Miaukatuz kirol klubak “Zuen gorrotoa ez da gure zelaietan kabitzen” izenburuko manifestua sinatu dute, kirolean generoaren araberako bereizketa abolitzearen alde.

Izan ere, azkeneko hilabeteotan kirolean hainbat homofobia kasu eman direla ohartarazi dute manifestuaren sortzaileek,  besteak beste, Muskizen arbitro baten aurka gertatutakoa gogoratu dutelarik, nahiz eta ez den bakarra izan.

Miaukatuz Kirol Kluba 2014. urtean Gasteizen sorturiko boleibol kluba da, gizarte-integrazioa, sexu-orientazioaren eta generoaren aniztasuna eta tolerantzia kirol munduan bultzatzeko xedea duena. 2017tik aurrera, Sagardovolley nazioarteko txapelketa antolatzen du, LGTBI+ pertsonen eskubideen aldeko aldarria dena.

Ikusgune berriz, Gasteizko LGTBI+fobiaren aurkako Behatokia, homofobiaren, lesbofobiaren, bifobiaren eta transfobiaren aurkako behaketa sistema iraunkorra da. Lumagorri ZAT, Zisheterosexismoaren Aurkako Taldearen proiektu bat, Gasteizko Udalarekin elkarlanean aurrera eramandakoa.

Ikusgune behatokiaren eta Miaukatuz kirol klubaren arabera, gizonezkoen taldeen nagusitasunak emakumezkoen taldeen ikusezintasuna eta diskriminazioa eragiten du, egoera prekarioenetan eta infantilizatuetan kirolaz gozatu behar baitute.

Ildo horretan, arazoaren sustraietara jo nahi dute manifestuarekin, eta kirola oraindik ere balorazio biologiko eta genetikoetan oinarrituta zehazten dela salatu, eta jaiotzari esleitutako generoaren araberako bereizketa binarioa neurri transfoboa dela ohartarazi dute.

“Pertsona baten aurkako gorroto mezuak edo jarrerak zabaltzen direnean, helburua ez da pertsona zehatz bat, kolektibo oso baten aurkako gorroto-adierazpena baizik”, adierazi dute Ikusgunek eta Miaukatuzek.

Azkenik, bost neurri proposatu dituzte LGTBI+fobia kiroletik desagerrarazteko:

-Kirol munduan ematen den LGTBI+fobiaren existentziaren aitorpen esplizitua; eta kluben, taldeen eta federazioen ardura aitortzea jatorrian, baina baita arazo honekin bukatzeko duten potentzialean ere.

-LGTBI+fobikoa den erakusketa edo jarrera oro zelaietatik desagerraraztea.

-Erakusketa edo jarrera LGTBI+fobikoekin erlazionatuta dauden zigorren betekizuna ziurtatzea.

-Sentsibilizaziorako, kontzientziaziorako eta baloreen hezkuntzarako programak bultzatzea, administrazio publiko guztiak, taldeak, klubak eta federazioak partaide izanik.

-Generoaren araberako bereizketarekin amaitzea kirol eta kirol-kategoria guztietan.

‘Zuen gorrotoa ez da gure zelaietan kabitzen’ manifestua HEMEN

Aurrera Vitoriak merezi gabe galdu zuen Añorgaren aurka

Aurrera Vitoriak merezi gabe galdu zuen Añorgaren aurka

FUTBOLA/EUSKAL HERRIA KOPA   Apirilaren 9an jokatu zen Murgian (Araba) Euskal Herriko  emakuzkoen VI. futbol koparen final-laurdenaren sailkapena. Giro ederrean eta 200 ikusle ingururen aurrean Añorgak 2-3 irabazi zion Aurrera Vitoriari eta, ondorioz,...

Gasteiz Hiria Herri Lasterketa azaroaren 1-ean

Gasteiz Hiria Herri Lasterketa azaroaren 1-ean

LASTERKETAK/GASTEIZ HIRIA   Dato kaletik eta 10 kilometroko ibilbidearekin azaroaren 1ean, goizeko 11:00etan ospatuko da XVI. aldiz Gasteiz Hiria herri lasterketa. Euskara eta kirola uztartzeko helburua duen lasterketa honetan izena emateko   [gallery...

Athleticentzat V. EH Kopa

Athleticentzat V. EH Kopa

FUTBOLA/EUSKAL HERRIA KOPA     Denboraldiko lehen titulua jokatu da Zarauzko Asti zelaian, EHko emakumezkoen V. Kopako finala. Partida ikusgarria izateko traza guztiak zituen eta hala izan da. Bi taldeak lehen minututik erakutsi bait dute V.Kopa...