ARRAUNA
KAE 1 Ligan 13 ontzi egongo dira eta KAE 2 Ligan 10 edo 11
Kantauriko Arraun Elkarteak (KAE) iragarri berri duen bezala aurtengo denboraldian KAE 1 Ligak hamahiru ontzi izango ditu, Eusko Label Ligatik jaitsi den Kaikuk izena eman eta gero.
Beraz, Bizkaitarrarekin batera Pedreña, San Pedro, Getaria, Deustu, Arkote, San Juan, Camargo, Zumaia, Orio B eta Astillero izango dira aurtengo lehian. Eta horiei gehitu beharko zaie KAE 2tik igo diren Castro eta Lapurdi.
KAE 2ri Ligari dagokionez orain arte hamar ontzik eman dute izena, baina Zumaia Bk bere parte hartzea urtarrilaren 30a baino lehenago baieztatzen badu bat gehiago izango dira, hamaika alegia.
Aurtengo denboraldirako elkartean baja dira Getxo, AN Castro eta Santurtzi B eta alta ordea Illunbe eta Deusto B. Azken bi horiek Donostiarra B, Hondarribia B, Portugalete, Busturialdea, Mutriku, Hibaika, Zarautz B eta Santoñarekin batera lehiatuko dira arraunaren hirugarren maila honetan.
Iazko denboraldia:
Pasa den arraun denboraldi ez-ohikoan, Pedreñak irabazi zuen KAE1 liga eta Eusko label ligara igotzeko Play-Offak jokatzeko, Pedreña eta San Pedro sailkatu ziren. Donostiarra eta Getxo aldiz, KAE2 ligara jaitsi ziren.
2020ko KAE1 Ligako sailkapena:
- Pedreña 11,58 puntu
- San Pedro 10,83 puntu
- Getaria 8,70 puntu
- Deusto 8,17 puntu
- Arkote 7,75 puntu
- San Juan 7,33 puntu
- Camargo 7,25 puntu
- Zumaia 4,75 puntu
- Orio 4,08 puntu
- Astillero 3,83 puntu
- Donostiarra Amenabar 3,17 puntu
- Getxo 1,83 puntu
KAE2 Ligan aldiz, iaz Castro nagusitu zen eta KAE1 ligara igotzeko txartela lortu zuten Castro Canteras de Santullan eta Lapurdik.
2020ko KAE2 Ligako sailkapena:
- Castro 10,50 puntu
- Lapurdi 10,00 puntu
- Hondarribia 8,75 puntu
- Portugalete 7,80 puntu
- Busturialdea 7,08 puntu
- Mutriku 6,58 puntu
- AN Castro 5,50 puntu
- Hibaika-Susperregi 3,67 puntu
- Santurtzi 3,25 puntu
- Zarautz Babyauto 2,75 puntu
- IRC Santoña 1,67 puntu
Bi bandera irabazi ditu asteburuan Ondarroako emakumezkoen traineruak
Zorrotzaurreko Uharteari I. Itzulian eta Portugaleteko San Nikolas IX. Traineru Jaitsieran nagusitu ziren
Oriaren Traineru Jaitsiera lehiatu zen igandean
Hondarribia gailendu zen gizonezkoetan eta Donostia Arraun Lagunak emakumezkoetan
Neguko Euskadiko Piraguismo Txapelketa irabazi du Santiagotarrak
Hurrengo hitzordua aste honetan bertan izango da, martxoaren 13an Zumaian, Gipuzkoako Txapelketa jokatuko baita