EUSKAL PILOTA
Iparlur Masters Txapelketa sei erremontistekin hasiko da larunbatean
Iparlur Masters Txapelketa aurkeztu berri dute Galarretan eta aurtengo banakako Mastersa berrikintzekin dator. Inoiz baino pilotari gehiagok jokatuko dute, sei, eta bi debutari izango ditu; Zubiri eta Goikoetxea V.a. Beste lauak Juanenea, Ansa II.a, Urriza eta Barrenetxea IV.a izango dira.
Buruz Buruko Kutxabank Torneoko sei erremontista onenak jokatuko dute Mastersa eta guztira bost partida daude iragarrita bost larunbatetan. Lehenengo partidua larunbat honetan, urtarrilaren 22an jokatuko da eta Juaneneak eta Zubirik neurtuko dituzte indarrak. Juanenea laugarren sailkatu zen udaran eta Zubiri bosgarren. Garailea finalerdietara pasako da.
Bigarren partida urtarrilaren 29an jokatuko dute Goikoetxea V.ak eta Ansa II.ak. Bi urnietarren arteko partida izango da eta Goikoetxea seigarren sailaktu zen Kutxabank Torneoan eta Ansa hirugaren.
Lehenengo finalerdia otsailaren 5ean izango da eta Urrizak Ansa eta Goikoetxearen arteko partidaren irabazlea izango du kontrario.
Bigarren finalerdia Barrenetxea IV.ak jokatuko du Juanenea edo Zubiriren aurka otsailaren 12an. Gogoratu behar da Barrenetxea dela Banakako txapelduna eta Urriza azpitxapeldun dela. Finala, finalerdietako irabazleek jokatuko dute otsailaren 19an.
Emakumeen I. Masters Gasteiz pilota txapelketako finalak jokatu dira
Eskuz Iera Agirre eta Olatz Ruiz de Larramendi nagusitu ziren eta gomazko paletan Haizea Salanueva eta Itxaso Erasun
Banakako Erremonte Txapelketaren aurreko ligaxkako azken partida jokatu da
Ansa II.ak Goikoetxea V.ari 30-11 irabazi zion
Ane Isasmendi eta Irati Ruiz de Azua, txapeldun
Green Capital emakumezkoen gomazko paletako X. Torneoaren finalean Salanueva-Aldama bikoteari 30-10 irabazita