IGERIKETA/OFIZIALTASUNA ORAIN/EUSKAL SELEKZIOA

Igeriketa Federazioak aho batez onartu du ofizialtasunaren bidea jorratzea

by | 2021/09/09

Argazkiak: www.eif-fvn.org

Euskadiko Igeriketa Federazioaren batzarrak ofizialtasunaren bidean urrats sendoa ematea adostu du  

 

Gaur bertan, irailak 9an, egin da Euskadiko Igeriketa Federazioaren batzar orokorra, Bilbon, Euskadiko Federazioak Julian Gaiarre Hiribidean duen egoitzako aretoan.

Ofizialtasunaren bidea jorratzeko Igeriketa Federazioak hartutako erabakiari babesa eman dio Batzarrak aho batez, aldeko 12 bozka eta abstentzio bakarrarekin, kontrako botorik gabe

Honakoan gai bereziki garrantzitsuak zituzten aztergai. Eta horien artean aurrena, Euskal Selekzioaren alde federazioak egiten ari den lanaren baieztapena eta hurrengo urratsak emateko batzarraren oniritzia.

Ohikoa izaten dena baina partaidetza handiagoa izan da gaurkoan, azkenean bertan bildutakoek ofizialtasunaren aldeko urratsak ematea adostu duen akordioari babesa eman diotelarik: 12 bozka alde, abstentzio bat eta ezezko botorik ez.

70 batzarkide ditu Igeriketa Federazioak eta gaiak sortu duen interesaren adierazlea da bozketaren emaitza. Kontutan hartu behar da,  federazio honetan presidenteak pertsonalki ordezkatu behar duela kluba edo bestela juntakidea den beste bati soilik luzatu ahal diola ordezkaritza-eskubidea eta horrek zaildu egin du interes horren tamainako partehartzea ematea.  Hala ere, Euskal Herria kirolak jakin duenez batzarrera bertaratzerik izan ez duten klub dexentek idatziz adieraziko dute ofialtasunaren aldeko jarrera, eta bidenabar federazioari urratsak ematen jarraitzeko eskaria.

Igeriketa kluben iritzia eman da eta orain Federazioari dagokio bidea egitea. EH Kirola alboan izango du.

Igeriketa/Ofizialtasuna Orain/Euskal Selekzioa

Share This