HERRI KIROLAK/AIZKORA
Hirugarren mailako Euskadiko Aizkora Txapelketako finala erabakita geratu da
Pasa den den igandean, urriak 10, hirugarren mailako Euskal Herriko Aizkora Txapelketako hirugarren eta azken kanporaketa jokatu zen, eguerdiko 12:00etatik aurrera, Larrabetzuko (Bizkaia) frontoian.
Bertan, hamar aizkolari aritu ziren lehian, bakoitzak lau kanaerdiko ebaki behar izan zituelarik, hau da, 54 ontzako lau enbor, eta lehen bi postuetan sailkatzen zirenek finalera igarotzeko txartela lortuko zuten.
Azkenean, Patxi Mindegia izan zen azkarrena, 8 minutu eta 3 segundoko denbora eginda. Berarekin batera, bigarren sailkatutako Suharri Rodriguez gipuzkoarrak lortu zuen finalerako txartela (8.44). Paolla irabazlearengandik 41 segundura sailkatu zen beraz eta lehia estua izan zuen Soroarekin finalerako azken postua eskuratzeko lehian, azkenean 15 segunduren aldea atera ziolarik.
Esan bezala, hirugarren postua Ibai Soroak lortu zuen (8.59), David Naredo izan zen laugarren (9.30), Txomin Amundarain bosgarren (10.20), Ibon Garaiburu seigarren (11.21), Mikel Indakoetxea zubietarra zazpigarren (11.31), Ruben España zortzigarren (12.16), Beñat Lekue bederatzigarren (12.49) eta Emilio Garcia hamargarren (13.10).
Hirugarren mailako lehen kanporaketa abuztuaren 15ean egin zuten Donamarian eta bertan Jokin Urretabizkaia eta Julen Gabirondo sailkatu ziren finalerako. Bigarren kanporaketa Mungian (Bizkaia) egin zuten eta Xuban Kañamaresek eta Andoni Iruretagoienak lortu zuten finalerako txartela.
Gauzak horrela eta Larrabetzun jokatutako azken kanporaketako emaitzei erreparatuta, finala noiz eta non jokatuko den zehaztu gabe egonda ere, erabakita daude sei aizkolari finalistak: Jokin Urretabizkaia Basozabal donostiarra, Julen Gabirondo urnietarra, Andoni Iruretagoiena Izeta VI aiarra, Xuban Kañamares arostegiarra, Patxi Mindegia zubietarra eta Suharri Paolla hernaniarra.
Euskal Herriko sokatira txapelketako jardunaldia jokatu zuten larunbatean Erandion
Beti Gazte nagusitu zen, gizonezkoen 600 kiloko kategoriko bigarren saioan zein emakumezkoen 500 kiloko aurrenekoan
Binakako Aizkolari Txapelketako laugarren jardunaldia lehiatu zen Leitzan
Eneko Saralegi eta Txomin Amundarain nagusitu ziren Larrañaga eta Izeta VI.aren aurka
Beti Gazteko emakumeek 540 kiloko Euskal Herriko txapela jantzi dute
Gizonezkoen 600 kiloko kategoriako lehen jardunaldia ere jokatu zuten, non Laukizko Gaztedi taldea nagusitu zen