EUSKAL PILOTA/EUSKAL SELEKZIOA

Euskal Herriko Pilota Selekzioa Valentziar selekzioaren aurka lehiatu da Oiartzunen

2021/07/07

Euskadiko eta Valentziako pilota federazioek harremanak sendotu dituzte Oiartzunen Euskal Herriko eta Valentziako selekzioak elkarren aurka neurtu zirelarik pasa den asteburuan, joku zuzeneko hainbat modalitatetan.

Euskadiko Euskal Pilota Federazioak, Valentziako Pilota Valenciana federazioarekin elkarlanean antolaturiko pilota txapelketa berezi honen egitaraua honakoa izan zen: larunbatean bote luzea (10.30etan), plaza librea (12.00etan) eta mahi jokoa (17.00etan) jokamoldeetan aritu ziren, eta igandean (11.00etan) pasakaren txanda izan zen. Larunbateko partidak Beheko Plazan jokatu ziren, eta igandekoak Kontzejupean.

Emaitzak:

Larunbateko partidak

Bote luzean, mutilak

  • Euskal Selekzioa 6, Valentzia 8

Plaza librean, neskak

  • Euskal Selekzioa 0, Valentzia 2 (19-21 eta 20-21)

Plaza librean, mutilak

  • Euskal Selekzioa 2, Valentzia 0 (21-17 eta 21-13)

Mahi jokoan, neskak

  • Euskal Selekzioa 2, Valentzia 8

Mahi jokoan, mutilak

  • Euskal Selekzioa 8, Valentzian 6

Igandeko partidak

Pasaka mutilak

  • Euskal Selekzioa 9, Valentzia 6

Pasaka neskak

  • Euskal Selekzioa 11, Valentzia 6

Antolatzaileek egindako balorazioan azpimarratu dutenez, asteburu honen helburua bi federazioen arteko harremanak are gehiago sendotzea izan da, eta aldi berean urrian eta azaroan jokatzekoa den joko zuzenen Munduko Txapelketa prestatzen joatea. Gainera, hitzordua Kepa Arroitajauregi omentzeko baliatu nahi izan dute, iazko maiatzean zendu baitzen besteren artean Euskadiko Federazioko presidente orde zena.

Halaber, Valentziari esker ona erakutsi nahi izan dio Euskal Herriko selekzioak, ofizialtasunerako bidean egindako aurrerapausuengatik. Izan ere, CIJB munduko esku pilota elkarterik zaharrena da, eta Euskal Herria bertako partaide da. Espainia bezala jokatzen zutenak valentziarrak ziren, baina Valentziako jokalariek uko egin zioten Espainiaren ordezkari bezala jokatzeari. Horregatik, orain pilotari euskaldunek Euskal Herria ordezkatuz jokatzen dute, 2016az geroztik.

Share This