BIDEO-JOKOAK/EHeTXAPELA FIFA21

Euskal Herria eTxapelak FIFA 21-en erakustaldia egingo du Euskararen Egunean Twitch bidez

by | 2021/12/02

Euskal Herria eTxapelak FIFA 21-en erakustaldia egingo du Euskararen Egunean Twitch bidez

EHKirolak babestutako ekimena Game Erauntsiaren Twitcheko kanal ofizialetik jarraitu ahalko da 18:30etik aurrera.Euskarak, bideo-jokoek eta kirolak bat egingo dute beste batez Euskal Herria eTxapelaren erakustaldi bereziari esker. FIFA 21 bideo-joko ezaguna hartuta bertan hauta daitezkeen euskal taldeekin partiduak jokatzeari ekingo diote bideojokozale adituek etzi, Euskararen Egunean, emango dugun zuzeneko emanaldian.

Twitch bidez egingo den saio honen babesle ofiziala da EHKirola egitasmoa; Euskal Herrian kirol guztietako ligak, kopak eta txapelketak antolatzea izanik, eremu digitalera pasatzeko erabakia hartu dute Game Erauntsia Elkartearekin batera. Euskal selekzioen ofizialtasuna eta Euskal Herriko kirolaren nazioarteko ordezkaritza lortzeko helburua bilatzen dute modu horretara.

Euskararen Eguna izanik, abenduaren 3a aukeratu dugu erakustaldi hau egiteko. Esan bezala, euskara bideo-jokoekin zein kirolarekin uztartu nahi dugu: horretarako bide aproposena komunitatearekin bat egitea eta elkarrekin euskaraz ondo pasatzea dela deritzogu.

FIFA 21en ezin daitekeenez euskal selekzioa erabili, euskal talde desberdinekin egindako partiduak ikusiko ditugu zuzeneko berezi honetan: Athletic, Alaves, Eibar, Reala eta Osasuna taldeen arteko norgehiagokak bideratuko dituzte FIFAko gure adituek.

18:30etatik aurrera egongo gara Game Erauntsiaren Twitcheko kanal ofizialean. Bertan egongo dira Maitane, Haritz, Ekaitz eta Axigara partiduak jokatzen eta esatari lanak egiten. Etor zaitez ondo pasatzera eta zure ekarpenak egitera. Zuen zain egongo gara!

Twitter

Euskal Herria Txapela

Reala 1 – 1 Eibar

Reala 1 – 1 Eibar

2019/04/14

Anoetako berdinketarekin, III. Euskal Herria Txapelaren finala jokatuko du Eibarrek lehenengo aldiz. Noren kontra jokatuko duen baina, Txapelaren azken bi partidetan erabakiko da.

Alaves 1 – 1 Eibar

Alaves 1 – 1 Eibar

2019/03/10

Berdinketak ez du ezer aldatu III. Euskal Herria Txapelaren sailkapenean: Eibarrek buruan jarraitzen du eta hiru partidaren faltan erabakitzeke dago Txapelaren finala
.

Azken bideoak

[EiTB] Amets Arzallus, Igor Elortza eta Karmele Jaio futbolaz hausnartzen (4’59”)

[EiTB] Amets Arzallus, Igor Elortza eta Karmele Jaio futbolaz hausnartzen (4’59”)

[EiTB] Carles Marc valentziarra, Barakaldo futbol taldeko kapitaina, euskara ikasten dabil (6’45”)

[EiTB] Carles Marc valentziarra, Barakaldo futbol taldeko kapitaina, euskara ikasten dabil (6’45”)

[HAMAIKA] Kike Zururutza: “Orain, ofizialtasunaren eskaera egin behar da UEFA eta FIFAn” (7’50”)

[HAMAIKA] Kike Zururutza: “Orain, ofizialtasunaren eskaera egin behar da UEFA eta FIFAn” (7’50”)

[EiTB] Ofizialtasunaren aldeko beste pauso bat (1’28”)

[EiTB] Ofizialtasunaren aldeko beste pauso bat (1’28”)