BIDEO-JOKOAK/EHeTXAPELA FIFA21

Euskal Herria eTxapelak FIFA 21-en erakustaldia egingo du Euskararen Egunean Twitch bidez

by | 2021/12/02

Euskal Herria eTxapelak FIFA 21-en erakustaldia egingo du Euskararen Egunean Twitch bidez

EHKirolak babestutako ekimena Game Erauntsiaren Twitcheko kanal ofizialetik jarraitu ahalko da 18:30etik aurrera.Euskarak, bideo-jokoek eta kirolak bat egingo dute beste batez Euskal Herria eTxapelaren erakustaldi bereziari esker. FIFA 21 bideo-joko ezaguna hartuta bertan hauta daitezkeen euskal taldeekin partiduak jokatzeari ekingo diote bideojokozale adituek etzi, Euskararen Egunean, emango dugun zuzeneko emanaldian.

Twitch bidez egingo den saio honen babesle ofiziala da EHKirola egitasmoa; Euskal Herrian kirol guztietako ligak, kopak eta txapelketak antolatzea izanik, eremu digitalera pasatzeko erabakia hartu dute Game Erauntsia Elkartearekin batera. Euskal selekzioen ofizialtasuna eta Euskal Herriko kirolaren nazioarteko ordezkaritza lortzeko helburua bilatzen dute modu horretara.

Euskararen Eguna izanik, abenduaren 3a aukeratu dugu erakustaldi hau egiteko. Esan bezala, euskara bideo-jokoekin zein kirolarekin uztartu nahi dugu: horretarako bide aproposena komunitatearekin bat egitea eta elkarrekin euskaraz ondo pasatzea dela deritzogu.

FIFA 21en ezin daitekeenez euskal selekzioa erabili, euskal talde desberdinekin egindako partiduak ikusiko ditugu zuzeneko berezi honetan: Athletic, Alaves, Eibar, Reala eta Osasuna taldeen arteko norgehiagokak bideratuko dituzte FIFAko gure adituek.

18:30etatik aurrera egongo gara Game Erauntsiaren Twitcheko kanal ofizialean. Bertan egongo dira Maitane, Haritz, Ekaitz eta Axigara partiduak jokatzen eta esatari lanak egiten. Etor zaitez ondo pasatzera eta zure ekarpenak egitera. Zuen zain egongo gara!

Alaves 0-0 Athletic

Alaves 0-0 Athletic

VI. Euskal Herria Txapela 2021/22 edizioaren zazpigarren partida izan da. Sailkapenean, Athletic dugu buruan zortzi punturekin. Reala dago bigarren, bostekin.

Osasuna 1-3 Athletic

Osasuna 1-3 Athletic

VI. Euskal Herria Txapela 2021/22 edizioaren seigarren partida izan da. Sailkapenean, Athletic dugu buruan zazpi punturekin. Ondoren Reala dago, bostekin.

Alaves 1-1 Reala

Alaves 1-1 Reala

VI. Euskal Herria Txapela 2021/22 edizioaren bosgarren partida izan da. Sailkapenean, Reala dugu buruan bost punturekin. Ondoren Athletic dago, laurekin.

Osasuna – Athletic, astelehenean

Osasuna – Athletic, astelehenean

VI. Euskal Herria Txapela 2021/22 edizioaren seigarren partida izango da. Sadar futbol zelaian jokatuko da, 21:00etan hasita

Alaves – Reala, igandean

Alaves – Reala, igandean

VI. Euskal Herria Txapela 2021/22 edizioaren bosgarren partida izango da. Mendizorrotza futbol zelaian jokatuko da, 18:30etan hasita

Share This