BIDEO-JOKOAK/EHeTXAPELA FIFA21
Euskal Herria eTxapelak FIFA 21-en erakustaldia egingo du Euskararen Egunean Twitch bidez
Euskal Herria eTxapelak FIFA 21-en erakustaldia egingo du Euskararen Egunean Twitch bidez
EHKirolak babestutako ekimena Game Erauntsiaren Twitcheko kanal ofizialetik jarraitu ahalko da 18:30etik aurrera.Euskarak, bideo-jokoek eta kirolak bat egingo dute beste batez Euskal Herria eTxapelaren erakustaldi bereziari esker. FIFA 21 bideo-joko ezaguna hartuta bertan hauta daitezkeen euskal taldeekin partiduak jokatzeari ekingo diote bideojokozale adituek etzi, Euskararen Egunean, emango dugun zuzeneko emanaldian.
Twitch bidez egingo den saio honen babesle ofiziala da EHKirola egitasmoa; Euskal Herrian kirol guztietako ligak, kopak eta txapelketak antolatzea izanik, eremu digitalera pasatzeko erabakia hartu dute Game Erauntsia Elkartearekin batera. Euskal selekzioen ofizialtasuna eta Euskal Herriko kirolaren nazioarteko ordezkaritza lortzeko helburua bilatzen dute modu horretara.
Euskararen Eguna izanik, abenduaren 3a aukeratu dugu erakustaldi hau egiteko. Esan bezala, euskara bideo-jokoekin zein kirolarekin uztartu nahi dugu: horretarako bide aproposena komunitatearekin bat egitea eta elkarrekin euskaraz ondo pasatzea dela deritzogu.
FIFA 21en ezin daitekeenez euskal selekzioa erabili, euskal talde desberdinekin egindako partiduak ikusiko ditugu zuzeneko berezi honetan: Athletic, Alaves, Eibar, Reala eta Osasuna taldeen arteko norgehiagokak bideratuko dituzte FIFAko gure adituek.
18:30etatik aurrera egongo gara Game Erauntsiaren Twitcheko kanal ofizialean. Bertan egongo dira Maitane, Haritz, Ekaitz eta Axigara partiduak jokatzen eta esatari lanak egiten. Etor zaitez ondo pasatzera eta zure ekarpenak egitera. Zuen zain egongo gara!
Twitter
Reala – Alaves, ostegunean
Reala – Alaves izango da IV. Euskal Herria Txapelaren laugarren partida. Irailaren 26an jokatuko da, ostegun honetan, gaueko 21:00etan
Athletic 2-0 Alaves
Bigarren partida irabazita Athletic buruan finkatu da IV. Euskal Herria Txapelako sailkapenean. Hurrengo partida, Reala-Alaves ostegunean jokatuko da, irailak 26, gaueko 21:00etan
Athletic – Alaves, irailaren 22an
Athletic – Alaves izango da IV. Euskal Herria Txapelaren hirugarren partida. Irailaren 22an jokatuko da, igandean, San Mamesen, arratsaldeko 18:30etan
Athletic 2-0 Reala
Athletic-ek eskuratu ditu IV. Euskal Herria Txapela 2019/2020 edizioaren bigarren partidako hiru puntuak. Hurrengo partida, Athletic-Alaves, irailaren 22an jokatuko da San Mamesen
Athletic – Reala, abuztuaren 30ean
Athletic – Reala izango da IV. Euskal Herria Txapelaren bigarren partida. Abuztuaren 30ean jokatuko da, ostiralean, San Mamesen, gaueko 22:00etan
Osasuna 0-0 Eibar
Osasuna eta Eibar puntu banarekin joan dira etxera IV. Euskal Herria Txapela 2019/2020 edizioaren lehen partidan. Bigarren partida, Athletic-Reala, abuztuaren 30ean jokatuko da
![[EiTB] Imanol: ”Eibar beti izaten da talde lehiakorra” (2’06”)](https://ehkirola.eus/wp-content/uploads/2020/12/imanol-1-400x284.jpg)
![[EiTB] Ekaitz Maiz: ‘Gogo eta baldintzen arabera, gauza berriak probatzen ditut’ (22’45”)](https://ehkirola.eus/wp-content/uploads/2020/12/maiz-400x284.jpg)
![[EiTB] Donostiako 1978ko Maratoia gogoratu dugu Juan Berasategi eta Juanan Legorbururekin (7’46”)](https://ehkirola.eus/wp-content/uploads/2020/12/maratoia-400x284.jpg)
![[EiTB] Imanol: ”Irabazteko partidua egin dugu berriz ere” (4’21”)](https://ehkirola.eus/wp-content/uploads/2020/12/imsnol-alguacil-400x284.jpg)