FUTBOLA/EUSKAL SELEKZIOA

Euskal Futbol Selekzioko entrenatzaile karguaz

by | 2020/11/12

EUSKAL FUTBOL SELEKZIOKO ENTRENATZAILE KARGUAZ

Hurrengo astean jokatuko du Euskal Futbol Selekzioak Costa Ricaren aurka. Albiste pozgarria da eta gure esku dagoena (asko ez izan arren) egingo dugu giro ederrrean gauzatu eta ofizialtasunaren bidean urrats bat izan dadin.

Partida jokatzearekin une egokia ere bada hain biziki sentitzen dugun Euskal Selekzioaren proiektuaren inguruko gaiak mahai gainean jartzeko, asmo eraikitzaileaz beti ere.

Entrenatzaile postuaren gaiari heldu nahi diogu. Gurea bezalako selekzio batean horren garrantzitsua den postu horretan gaur egun Javier Clemente dugu. Bera eseriko da Ipuruako aulkian azaroaren 16an, arratsaldeko 20:45ean Euskal Selekzioaren gidari.

Clemente, ezin da ukatu, polemikoa da berez. Eta sare sozialetan zaleen artean dabilen eztabaidak ematen digu bere figuraz haratago zer pentsatu selekzioaren entrenatzaile karguaz.

Esaterako, honako galderak hauek sortzen zaizkigu buruan:

– Ze profil beharko luke Euskal Selekzioko entrenatzaileak?

– Zeintzu dira bere eginkizunak?

– Nolako Staffa beharko luke izan?

– Esklusiban Euskal Selekzioan aritu beharko luke? Hala, Katalunian bezala, talde baten entrenatzailea izatearekin bateragarria izan liteke?

– Urte guztiko plangintza beharko luke?

– Ze antolamendu mota beharko luke klubekin elkarlanean aritzeko?

– Nola gainditu beharko luke lurralderatasunaren aferak sortzen duen egoera?

Kontuak kontu, Euskal Futbol Selekzioaren entrenatzaile karguaren gaineko hausnarketa bideratu nahi dugu eta, ildo horretan, euren iritzia eskatuko diegu hainbat entrenatzaile ohi eta jokalari erreferente zenbatzuei.

Haien ekarpenak laster izango ditugu ehkirola.eus webgune honen orriotan.

Euskal Herria Kirola
Iruñea, 2020ko azaroaren 12an

FUTBOLA/EUSKAL SELEKZIOA

Inoiz ez da berandu, asmoa ona bada

Inoiz ez da berandu, asmoa ona bada

Zorionak Luis Mari Elustondo, Nerea Zalabarria, Jon Redondo eta David Salinas-Armendarizi gaur emandako pausuagatik. Ofiazltasunaren alde, adorea eta kemena!

Share This