FUTBOLA / XIII. EUSKAL HERRIA KOPA
Athleticek irabazi du Euskal Herria Kopa
Reala eta Athletic jokatu dute EH Kopako “A” mailako finala, Lezama 2 futbol zelaian, non zurigorriek jantzi duten txapela 2-4 irabazita
Athleticek bederatzigarrenez irabazi du Euskal Herria Kopa, Lezama 2 futbol zelaian lehiaturiko finalean nagusitu ondoren. Guardian (Araba) zen jokatzekoa partida, baina, euriteen ondorioz, zelaia oso gaizki zegoen eta lekuz aldatzea erabaki zen.
David Aznarren eta Natalia Arroyoren taldeentzat denboraldiaurreko azken partida izan da. Hamahirugarren aldia du txapelketak, eta garaikurra altxatzea lortu duten talde bakarrak dira. Gaurkoarekin, zuri-gorriek bederatzi aldiz irabazi dute, eta txuri-urdinek, lau.
Athletic jaun eta jabe izan da partiduaren hasieran eta, Aranak eta Marianak pare bat aukera izan ostean, azkar batean 0-2 aurreratu da markagailuan Cerro eta Azkonaren golei esker. 13. minutuan Mariana Cerro Athleticeko erdilaria eskumaldetik sartu da Realaren arean eta zartako bikain batekin partidako aurreneko gola erdietsi du. Handik gutxira, 19 minutuan, Aranaren erdiraketa gozoa baliatuta, Ane Azkonak buruz sartu du bigarren gola.
23. minutuan Realaren lehen aukera iritsi da, zutoinean jo baitu Irisen jaurtiketak. Txuriurdinen suspertze horren ondorioz, 31. minutuan Nerea Eizagirrek banakako jokaldi bikaina egin eta gol ikaragarria sartu du. Eta handik 6 minutura Synne Jensenek markagailua berdindu du, Nanclaresen irteera aprobetxatu eta buelta erdian ezkerkada batekin areatik kanpo gola sartuta.
Bazirudien atsedenaldira ados helduko zirela baina lehen zatiko luzapenean, Paula Aranak berriro ere aurreratu zituen zurigorriak (45+4´), aldaratze bat baliatuta.
Bigarren zatia ez da hain zirraragarria izan, baina Reala hobeto aritu da eta berdinketa lortzeko aukerak izan ditu. Franssik oso gertu izan du gola Quiñonesen aurka egindako jaurtiketa batekin. Aukerarik onena Nora Sarriegiren bitartez iritsi da, langa jo duen urrutiko erremate baten ostean. Lorenak ere beste bat sortu du, Quiñonesekin gola saihestuz.
Hala ere, 80. minuturarte itxoin behar izan dugu hurrengo gola ikusteko, atezainaren zoritxarreko jokaldi batean Ane Azkonak bere bigarren gola sartu eta neurketa erabakita utzi duen arte.
⚽️ Mariana, min. 13’
⚽️ Azkona, min. 19’
⚽️ Nerea Eizagirre, min. 31’
⚽️ Jensen, min. 37’
⚽️ Paula Arana, min. 45+4
⚽️ Azkona, min. 80
ZORIONAK BA JOKALARI ZURIGORRIEI, XIII. EUSKAL HERRIA KOPAKO TXAPELDUNAK !!!
🏆 Euskal Herriko txapeldunak gara.
Una forma espectacular para darle fin a la pretemporada.
🫵 @LigaF_oficial-erako prest gaude.#RealSociedadAthletic #AthleticClubFem 🦁 pic.twitter.com/VoP2YO6a4o
— Athletic Club (@AthleticClubFem) September 4, 2023
Aurtengo XIII. Euskal Herria Kopa Jon Esturo Loiolaren omenez jokatu da. Euskal Herria Kirola elkarteko talde sortzailekoa izan zen Jon Esturo, eta, bereziki, Euskal Herria Kopako sustatzailea. Jon Esturo Loiola 2022ko azaroan hil zen eta gure kidea omentzeko, finalaren atarikoan, bere alaba Garazik, ohorezko sakea egin zuen bi taldeetako kapitainek kamiseta bana eman ondoren, zaleen txaloen artean.
⚽ FUTBOLA | Athleticek irabazi du Euskal Herria Kopa, Reala mendean hartuta (2-4) @AthleticClubFem @RealSociedadFEM 👇👇https://t.co/zNLIQUWTLA
— EITB Kirolak (@eitbkirolak) September 3, 2023
Fitxa teknikoa:
Real Sociedad: Lete, Emma, Aparicio, Tejada, Izarne (Sarriegi, min. 76), I. Arnaiz (Viles, min. 76), Andreia, Amaiur, Franssi (Mirari, min. 76), N. Eizagirre (kap.) eta Jensen (Lorena, min. 64).
Athletic Club: Nanclares (Quiñones, min. 46), Elexpuru, Maddi, M. Zubieta, Nerea Nevado (Eunate, min. 84), Itxaso, Mariana (kap.) (Amaia M., min. 84), Pinedo, Azkona (P. Zugasti, min. 84), Arana (Gara, min. 76) eta Sanadri (S. Ortega, min. 66).
Golak: 0-1: Mariana Cerro, min. 13; 0-2: Azkona, min. 19; N. Eizagirre, min. 31; 2-2: Jensen, min. 37; 2-3: Arana, min. 45+4; 2-4: Azkona, min. 80
Epailea: Martín Pérez. Txartelik gabe.
‘A’ maila. Egutegia | Emaitzak
| 'A' MAILA | TALDEA | EMAITZA | TALDEA | KRONIKA |
|---|---|---|---|---|
| A multzoa | ||||
| 2023.08.12 19:00 BASOZABAL Sondika | Bizkerre | 0 - 0 | Alaves | ehkirola.eus |
| 2023.08.18 18:30 SARRIENA Leioa | Bizkerre | 0 - 7 | Reala | ehkirola.eus |
| 2023.08.26 18:30 EL PRAO Guardia | Alaves | 0 - 4 | Reala | ehkirola.eus |
| B multzoa | ||||
| 2023.08.12 19:00 FANDERIA Errenteria | Eibar | 3 - 0 | Osasuna | ehkirola.eus |
| 2023.08.16 19:00 LEZAMA 2 Lezama | Athletic | 1 - 1 | Eibar | ehkirola.eus |
| 2023.08.20 12:00 EL PORTARRON Mendigorria | Osasuna | 1 - 5 | Athletic | ehkirola.eus |
| 'A' 5/6 | ||||
| 2023.09.02 | Osasuna | 3 - 0 | Bizkerre | ehkirola.eus |
| 'A' 3/4 | ||||
| 2023.09.02 | Eibar | 5 - 0 | Alaves | ehkirola.eus |
| 'A' FINALA | ||||
| 2023.09.03 16:00 LEZAMA 2 ~ ETB ~ | Athletic | 4 - 2 | Reala | ehkirola.eus |
→ ehkirola.eus: VIII. Euskal Herria Kopa
→ ehkirola.eus: IX. Euskal Herria Kopa
→ ehkirola.eus: X. Euskal Herria Kopa
→ ehkirola.eus: XI. Euskal Herria Kopa
→ ehkirola.eus: XII. Euskal Herria Kopa
→ Wikipedia: Euskal Herria Kopa
Mastodon
Mastodon
Abian Da Emakumezkoen VI. Euskal Herriko Futbol Kopa
FUTBOLA/EUSKAL HERRIA KOPA Aurten urrats berriekin abiatuko da emakumezkoen Euskal Herriko VI. futbol kopa. Iaz finalerdia eta finala jokatu ziren, eta aurten final-laurdenak ere izango dira. Aipirilaren 9 jokatuko dira final-laurdenen partidak. Goizeko...
Athleticentzat V. EH Kopa
FUTBOLA/EUSKAL HERRIA KOPA Denboraldiko lehen titulua jokatu da Zarauzko Asti zelaian, EHko emakumezkoen V. Kopako finala. Partida ikusgarria izateko traza guztiak zituen eta hala izan da. Bi taldeak lehen minututik erakutsi bait dute V.Kopa...
Realak erraz gainditu du Gasteizko Aurrera
FUTBOLA/EUSKAL HERRIA KOPA Ekainaren 10ean Berriozarren jokatu zen Reala-Aurrera Vitoriaren finalaurrena. 4-0 gailendu zen Reala. Asteazkena izan arren, giro ederrean jokatu zen partida. Marisol Sanchez berriozartar jokalari historikoak egin zuen...