MENDI LASTERKETAK
Aritz Egea eta Sara Alonso garaile Aramotz mendi lasterketan
Egoera berrira moldatuta bada ere, Zornotzako Aramotz mendi lasterketak ez dio hutsik egin urteroko hitzorduari, eta pasa den igandean lehiatu zen, Aritz Egea eta Sara Alonso nagusitu zirelarik.
Hala ere aldaketa nabarmena egon da eta aurten lasterketa bakarra egon da, urtero lehiatzen diren bi proben beharrean, izan ere, ibilbide luzea (30 km) baztertu eta laburra (17 km) baino ez dute egin aurten Aramotz mendi lasterketan. Ekimenaren kudeaketa errazteko eta jende pilaketak saihesteko hartu dute erabakia. Hurrengo urteetan berriro ere lasterketa luzeagoa berreskuratzea da helburua.
Proba 09:00etan hasi zen, Zubiondo parketik. Esan bezala, 17 kilometro eta 1.000 metroko desnibel positiboa zuen ibilbideak eta Euskal Herriko mendi lasterketen zirkuituko proba puntuagarria zen.
Zornotza Mendi Taldeak antolatutako lasterketak orotara 160 korrikalari elkartu zituen. Gizonezkoetan, Aritz Egea izan zen indartsuena, Asier Larruzea sailkatu zen bigarren eta Oier Ariznabarreta hirugarren. Egeak 1:22:30eko denboran osatu du ibilbidea, bigarren egin duen Asier Larruzeari minututik gorako aldea aterata.Gontzal Murgoitio eta Julen Ozaeta laugarren eta bosgarren sailkatu ziren hurrenez hurren, podiumetik gertu.
Emakumeetan aldiz, Sara Alonsok eskuratu zuen garaipena (1:39:40) , Araitz Villak eta Eztizen Duquek podiuma osatu zutelarik. Guztira, 15 emakume parte hartu dute Zornotzako proban, orain arteko kopururik handiena.
SAILKAPENA GIZONETAN
- Aritz Egea……………………………. 1.22.30
- Asier Larruzea…………………….. 1.23.37
- Oier Ariznabarreta………………. 1.25.23
- Gontzal Murgoitio………………. 1.26.48
- Julen Larruzea……………………. 1.27.32
- Iker Etxebarria…………………….. 1.29.45
- Ekaitz Lejarzegi…………………… 1.30.22
- Hanot Etxebarria…………………. 1.30.46
- Joseba Urbano……………………. 1.31.34
- Julen Vargas…………………….. 1.34.18
SAILKAPENA EMAKUMEAK
- Sara Alonso……………………. 1.39.40
- Araitz Villa………………………. 1.44.31
- Eztizen Duque………………… 1.45.32
- Ainara Urrutia…………………. 1.47.36
- Alizia Olazabal………………… 1.55.15
- Maialen Loyo………………….. 1.57.30
- Aiara Garaialde………………. 2.00.01
- Zutoia Odriozola…………….. 2.03.36
- Ainara Olabarrieta………….. 2.05.23
- Inma Rafael………………….. 2.09.06
Twitter
Luis Maria Urizar nuevo líder del circuito tras la victoria conseguida en Amurrio
LASTERKETAK/MENDI DUATLOIA Amaia Luquin sige como lider en la clasificación femenina Los corredores que tomaron la salida en la séptima prueba del II. Circuito de Duatlon de Montaña de Euskal Herria celebrada en Amurrio, tuvieron la compañía de la lluvia...
Erguin y Luquin se imponen en Azpeitian
LASTERKETAK/MENDI DUATLOIA Ninguno de los dos dieron opción a la sorpresa Aunque la lluvia no dio tregua durante todo el día, 104 fueron los corredores inscritos en la sexta prueba del circuito de duatlón de montaña de Euskal Herria celebrado en Azpeitia. Los...
Unai Yus se hizo con la primera victoria de la temporada en Gallarta
LASTERKETAK/MENDI DUATLOIA Amaia Luquin no tuvo rival y se hizo de nuevo con la victoria en categoría femenina Más de 70 corredores se dieron cita en la quinta prueba del circuito de duatlón de montaña de Euskal Herria celebrado en Gallarta (Bizkaia). Los...