SASKIBALOIA
Araskik uko egin behar izan dio Eurocup txapelketa jokatzeari
Araski Saskibaloi Taldeak ez du datorren denboraldiko Eurokopa jokatuko
Covid19 gaitzak eragindako egoeraren ondorioz, txapelketa eten egin zen bere garaian eta azkenean Endesa Ligako sailkapen definitiboa martxoaren 8an indarrean zegoena izatea erabaki zen.
Hortaz, Araski taldeak kategoria honetan lehiatzen zuen laugarren denboraldian, sailkapen orokorraren bosgarren postua eskuratu zuen, azken lau jardunaldiak bertan behera geratu zirelarik (Gernika, Zaragoza, Extremadura eta Teneriferen aurkako lehiak, hain zuzen ere).
Sailkapeneko bosgarren leku horrek, Europan jokatzeko eskubidea zekarren berarekin, baina tamalez atera berri duten agiri baten bitartez jokatzeari uko egin behar diotela adierazi du talde gasteiztarrak.
Aipatu oharrean adierazten dutenez, Europako trenak itxaron beharko du momentuz. Espainiako Saskibaloi Federazioak e-mail baten bitartez FIBA Europan izena emateko informazio eta dokumentazioa bidali zien, kantxan lortutako eskubidea izanik ligan bosgarren postua lortu baitzuten. Izena emateko eta erantzun ofizialerako azken eguna uztailaren 20a zen.
Egungo egoera aztertuta eta balorazio sakona eginda, Araskik pauso hau emateko momentua ez dela pentsatzen du eta indar guztiak 2020/2021 denboraldiko aurrekontuak betetzeko ahaleginean emango dituela jakinarazi du, izan ere, oraindik ez dauka ziurtatua datorren denboraldian lehiatzeko beharrezkoa den babesletza.
Klubak instituzioen murrizketa garrantzitsuak izan ditu eta babesle berrien bila dabil orain klubaren etorkizuna bermatzeko. Duela gutxi jakin zen ere, RPK kooperatibak ez zuela bere babesle nagusia izaten jarraituko, nahiz eta klubari lotuta jarraituko duen beste modu batera.
Araskik denboraldi bikaina osatu zuen etenaldia iritsi aurretik eta Europan jokatzeak merezitako saria izateaz aparte, Araskiko familiak duen ametsa da, baina arduratsu jokatzea erabaki du klubak gaur egun duen egoera ikusita.
Saskibaloia
Eibar – Real Sociedad, abuztuaren 31n, III. EHTxapelari hasiera emateko
Eibar – Real Sociedad partidak hasiera emango dio III. Euskal Herria Txapelaren 2018/19 edizioari. Abuztuaren 31n jokatuko da, ostiralarekin, Ipuruan, gaueko 22:00etan.
Irailaren 1ean jokatuko da VIII. Euskal Herria Koparen finala
VIII.Euskal Herria Koparen finala irailaren 1ean, larubatean, jokatuko da. Azken kontuak zehazteke, datorren astean aurkeztuko dira partidaren lekua, ordua eta gainerako xehetasunak ere. Finala Athletic eta Realaren artean jokatuko da.
Kike Zurutuza: “La Euskal Herria Txapela debe tener continuidad y convertirse en un clásico del verano”
En representación de Euskal Herria Kirola, promotora de Euskal Herria Txapela, Kike Zurutuza analiza los objetivos de un campeonato que ha llegado para intentar quedarse