EUSKAL SELEKZIOA/K-1

Euskal Herriko K-1 kiroleko selekzioa Rigako Munduko Txapelketara bidean

2018/10/03

K-1 kiroleko Euskal Selekzioak parte hartuko du urriaren 4tik 7ra Rigan (Lituania) egingo den amateur mailako 2018ko Munduko Txapelketan.

Atzo egin zuten aurkezpena Zornotzan, eta dagoeneko Riga bidean dira Euskal Herriko K-1 Federazioaren izenean Munduko Txapelketan parte hartuko duten Aratz Garmendia, Lander Ripodas eta Alex Timoth kirolariak, EAE, Nafarroa eta Iparraldea herrialdeetako ordezkariak, alegia. Euskal Herriko selekzioa ofizialki ordezkatuko dute bertan.

Euskal Herriko K-1 kiroleko Federazioa antolatzen hasi eta gutxira etorri zaie nazioartean modu ofizialean jarduteko gonbidapena. Gales, Bretainia Handiko eta Ipar Irlandako eredua jarraituta, Federazioa erakunde pribatu modura erregistratuta dago, eta modu horretan ofizialki onartu dute K-1 nazioarteko federazioetan. Oraingo honetan, amateur mailako K-1 Munduko Federazioak berak gonbidatu ditu Euskal Herriaren izenean Rigako Munduko Txapelketan beste 63 herrialdetako ordezkariekin batera modu ofizialean jarduteko.

Euskal Herriko Txapelketa

EHK-1 Federazioa Euskal Herriko Txapelketa prestatzen ari da orain. Zornotzan jokatuko da azaroaren 24an, eta horrek bidea emango die K-1 kiroleko euskal ordezkaritza 2019ko martxoan Ingalaterran jokatuko den Munduko Txapelketan modu ofizialean aritzeko.

ENEKO BIDEGAIN
IRAKASLEA, IDAZLEA, KAZETARIA
enbata.info

«Ez gara kirolaz ari. Politika da, eta politika bakarrik»

EUSKAL HERRIA KIROLA
ELKARTEA
ehkirola.eus

«Euskal Selekzioak nazioartean aritzeko ofizialtasun eskaeraz»

BEÑAT ZARRABEITIA
KAZETARIA
naiz.eus

«Despachos y competitividad, claves hacia la oficialidad»

KIKE ZURUTUZA
EH KIROLA ELKARTEA
noticiasdegipuzkoa.eus

«La Euskal Herria Txapela debe tener continuidad y convertirse en un clásico del verano»

Share This