MENDIKO ESKIA

Alaia Juaristi eta Jon Erguin, Iraupen Eskiko Euskadiko Txapeldunak

by | 2021/01/28

Argazkiak: emf.eus

Iraupen Eskiko Euskadiko Txapelketa irabazi dute Alaia Juaristi azpeitiarrak eta Jon Erguin beasaindarrak

 

Joan den asteburuan jokatu zen txapelketa Larra-Belagua (Izaba, Nafarroa) eski estazioan, eta 18 urtez azpiko mailan estilo librean zein teknika klasikoan lehen postua erdietsi zuen Juaristik.

Euskadiko, Nafarroa, Espainia eta Aragoiko Txapelketak jokatu zituzten Izaban, eta esan bezala, azpeitiarrak garaipena eskuratu zuen 18 urtez azpiko mailan estilo librean eta  teknika klasiko modalitateetan.

Jon Erguin beasaindarrak bere aldetik, teknika libreko Euskadiko iraupen eskiko txapela eskuratu zuen.

Bestalde, Euskal Mendizale Federazioak bertan behera utzi du 2021eko mendiko eskiko Euskadiko Kopa.

Pandemiak mila arazo ematen jarraitzen du herritar guztiei, eta horren bilakaerak ez du aurreikuspen onik iragartzen, batez ere arduradun politiko eta sanitarioek neurri berriak hartu dituzten honetan. Orain dela bi hilabete nagusi izan zitekeen segurtasun faltaren ondorioz, etorkizun beltza dago kirol-probak antolatzeko, eta, gaur egun, koronabirusak sortutako egoerak erabateko ziurgabetasuna izaten jarraitzen du.

Beraz, gaur egun, EMFk ez du bermerik ikusten 2021ean Kopa baten garapen normala bermatuko duten gutxieneko eski proba kopuru bat egiteko, eta ez die ziurgabetasun gehiago gehitu nahi jokoan dauden aldagaiei.

Ondorioz, EMFk, 2021eko Euskadiko Mendiko Eskiko Koparen antolaketa bertan behera uztea erabaki du. Behin erabakia hartuta, EMFk elkarlanean jarraituko du antolatzaileekin, pandemiaren bilakaeraren arabera, unean uneko probak aurrera ateratzen saiatzeko.

Bien bitartean, eta egoera bere normaltasunera itzuliko denaren esperantzarekin, mendizale guztiei animo mezua helerazi die mendi federazioak.

Erguin y Luquin se imponen en Azpeitian

Erguin y Luquin se imponen en Azpeitian

LASTERKETAK/MENDI DUATLOIA  Ninguno de los dos dieron opción a la sorpresa Aunque la lluvia no dio tregua durante todo el día, 104 fueron los corredores inscritos en la sexta prueba del circuito de duatlón de montaña de Euskal Herria celebrado en Azpeitia. Los...

Unai Yus se hizo con la primera victoria de la temporada en Gallarta

Unai Yus se hizo con la primera victoria de la temporada en Gallarta

LASTERKETAK/MENDI DUATLOIA   Amaia Luquin no tuvo rival y se hizo de nuevo con la victoria en categoría femenina Más de 70 corredores se dieron cita en la quinta prueba del circuito de duatlón de montaña de Euskal Herria celebrado en Gallarta (Bizkaia). Los...

Urizar eta Luquin nagusi Zubietan

Urizar eta Luquin nagusi Zubietan

LASTERKETAK/MENDI-DUATOLIA Larunbat arratsaldean Zubietan jokatu zen Mendi Duatloi Zirkuituko bigarren frogan 160 duatloilari inguruk parte hartu zuten. Lehengo urtean EH-ko Txapelketa jokatu zen zirkuituaren antzekoa prestatu zuen antolakuntzak, nahiz eta aurtengoan...