FUTBOLA / XIII. EUSKAL HERRIA KOPA
A mailako finalerako sailkatu dira Reala eta Athletic beraien multzoko lidergoa eskuratuta
Reala eta Athletic jokatuko dute “A” mailako finala, irailaren 3an, Guardian, arratsaldeko 16:00etatik aurrera
Euskal Herria Kopa bi mailetan antolatu da aurten ere, taldeen egutegiak ez digulako beste aukerarik utzi. Bertan aritu dira Alaves, Athletic, Bizkerre, Eibar eta Reala taldeak. Bi multzotan jokatu dira eta multzo bakoitzeko lehen sailkatua sartu da finalean.
‘A multzoan’ aritu dira Bizkerre, Alaves eta Reala. Reala erabat nagusitu da multzo honetan, orotara 6 puntu pilatuta, eta finalerako txartela aise eskuratuta. Bi partidak irabazi ditu eta gol zaparrada erdietsi du horietako bakoitzean, atea hutsean mantentzea ere jakin duelarik. Bizkerre eta Alavesek ezin izan zioten Realari aurre egin eta haien arteko lehian berdindu egin zuten, nahiz eta gol-averageagatik Alaves geratu den bigarren.
“A” MULTZOKO SAILKAPENA
| TALDEA | Pt. | J | I | B | G | AG | KG |
|---|---|---|---|---|---|---|---|
| REALA | 6 | 2 | 2 | 0 | 0 | 11 | 0 |
| ALAVES | 1 | 2 | 0 | 1 | 1 | 0 | 4 |
| BIZKERRE | 1 | 2 | 0 | 1 | 1 | 0 | 7 |
‘B multzoan’ berriz, Eibar, Osasuna eta Athletic aritu dira. Multzo honetako lidergoa eskuratzeko lehia bizia egon da Athletic eta Eibarren artean, finalerako sailkapena gol-averageagatik erabaki delarik. Athletic izan da azkenean aurrena, lau puntu pilatuta Eibarrek bezala, baina haien arteko norgehiagokan bana berdindu ondoren, Osasunarekin izandako emaitzek erabaki dute lehenengo postua.
“B” MULTZOKO SAILKAPENA
| TALDEA | Pt. | J | I | B | G | AG | KG |
|---|---|---|---|---|---|---|---|
| ATHLETIC | 4 | 2 | 1 | 1 | 0 | 6 | 2 |
| EIBAR | 4 | 2 | 1 | 1 | 0 | 4 | 1 |
| OSASUNA | 0 | 2 | 0 | 0 | 2 | 1 | 8 |
Beraz, Reala eta Athletic sailkatu dira “A” mailako finalerako, zeina Guardian jokatuko da, irailaren 3an, igandea, Prao futbol zelaian, arratsaldeko 16:00etatik aurrera.
Hirugarren eta laugarren postuak zehazteko lehia berriz, Eibar eta Alavesen artekoa, Aretxabaletako futbol zelaian jokatuko da irailaren 2an, eguerdiko 12:00etan hasita.
Azkenik, bosgarren postua zeinek eskuratuko, nor baino nor gehiago arituko dira Osasuna eta Bizkerre, irailaren 2an, Garesen, 16:00etan.
‘A’ maila. Egutegia | Emaitzak
| 'A' MAILA | TALDEA | EMAITZA | TALDEA | KRONIKA |
|---|---|---|---|---|
| A multzoa | ||||
| 2023.08.12 19:00 BASOZABAL Sondika | Bizkerre | 0 - 0 | Alaves | ehkirola.eus |
| 2023.08.18 18:30 SARRIENA Leioa | Bizkerre | 0 - 7 | Reala | ehkirola.eus |
| 2023.08.26 18:30 EL PRAO Guardia | Alaves | 0 - 4 | Reala | ehkirola.eus |
| B multzoa | ||||
| 2023.08.12 19:00 FANDERIA Errenteria | Eibar | 3 - 0 | Osasuna | ehkirola.eus |
| 2023.08.16 19:00 LEZAMA 2 Lezama | Athletic | 1 - 1 | Eibar | ehkirola.eus |
| 2023.08.20 12:00 EL PORTARRON Mendigorria | Osasuna | 1 - 5 | Athletic | ehkirola.eus |
| 'A' 5/6 | ||||
| 2023.09.02 | Osasuna | 3 - 0 | Bizkerre | ehkirola.eus |
| 'A' 3/4 | ||||
| 2023.09.02 | Eibar | 5 - 0 | Alaves | ehkirola.eus |
| 'A' FINALA | ||||
| 2023.09.03 16:00 LEZAMA 2 ~ ETB ~ | Athletic | 4 - 2 | Reala | ehkirola.eus |
→ ehkirola.eus: VIII. Euskal Herria Kopa
→ ehkirola.eus: IX. Euskal Herria Kopa
→ ehkirola.eus: X. Euskal Herria Kopa
→ ehkirola.eus: XI. Euskal Herria Kopa
→ ehkirola.eus: XII. Euskal Herria Kopa
→ Wikipedia: Euskal Herria Kopa
Mastodon
Mastodon
Abian Da Emakumezkoen VI. Euskal Herriko Futbol Kopa
FUTBOLA/EUSKAL HERRIA KOPA Aurten urrats berriekin abiatuko da emakumezkoen Euskal Herriko VI. futbol kopa. Iaz finalerdia eta finala jokatu ziren, eta aurten final-laurdenak ere izango dira. Aipirilaren 9 jokatuko dira final-laurdenen partidak. Goizeko...
Athleticentzat V. EH Kopa
FUTBOLA/EUSKAL HERRIA KOPA Denboraldiko lehen titulua jokatu da Zarauzko Asti zelaian, EHko emakumezkoen V. Kopako finala. Partida ikusgarria izateko traza guztiak zituen eta hala izan da. Bi taldeak lehen minututik erakutsi bait dute V.Kopa...
Realak erraz gainditu du Gasteizko Aurrera
FUTBOLA/EUSKAL HERRIA KOPA Ekainaren 10ean Berriozarren jokatu zen Reala-Aurrera Vitoriaren finalaurrena. 4-0 gailendu zen Reala. Asteazkena izan arren, giro ederrean jokatu zen partida. Marisol Sanchez berriozartar jokalari historikoak egin zuen...