LASTERKETAK
Zabaldu dute Sare Eguneko krosean izena emateko epea
Gerturatzen ari da 2022ko Sare Eguna, eta dagoeneko zabaldu dute egingo den kros herrikoian parte hartzeko izen-ematea
Maiatzaren 21ean, larunbata, izango da Sare Eguna, eta eguerdiko 12:00etan egingo dute krosa, iazko ibilbide berdina izango duena, bertan parte-hartu ahal izateko izena emateko aukera dagoeneko zabalik dagoelarik Kirolprobak webgunean, hamar euro ordainduta.
Bestela, honako lekuetan eman daiteke izena proban parte hartzeko: Orkatz Kultur Elkartean eta udal igerilekuan Azpeitian, eta Azkoitian, aldiz, elkargunean (maiatzaren 15a izango da saltoki eta tabernetan izena emateko azken eguna).
Izena aurrez emateko azken eguna maiatzaren 19a izango da baina egunean bertan ere izango da proban izena emateko aukera. Lasterketaren egunean plazan jarriko dute horretarako mahaia, 11:00etatik 11:30era bitartean, eta hamabi euro ordaindu beharko dute parte hartzaileek. Izena Internet bidez ematen duten herritarrek lasterketaren egunean jaso beharko dute dortsala, 11:00etatik 11:30era bitartean.
Plazan hasiko da Elkartasun Krosa, 12:00etan, eta korrikalariek hantxe bukatuko dute 5,6 kilometroko ibilbidea. Sarek adierazi duenez, lasterketa egiten duten herritar guztiek oparia jasoko dute, eta hamaiketakoaz gozatzeko aukera ere izango dute. Gainera, otarre bat zozkatuko dute lasterkari guztien artean. Horrez gain, Izarraitz pilotalekuan dutxatzeko aukera ere eskainiko dute.
Aurtengoan ere, umeen KROS TXIKIA egingo da, 11:30tan plazatik abiatuta. Kros txikia doan izango da, ez dago aurrez izena eman beharrik eta parte hartzaileek ere izango dute opariren bat.
SARE V. KROS HERRIKOIA
Jakitekoak:
– Irteera eta amaiera plazan izango dira
-Internet bidez izena eman dutenek egunean bertan jasoko dituzte dortsalak (11:00-11:30)
-Lasterketa ostean guztientzat oparia eta hamaiketakoa egongo dira. Lasterkari guztien artean otarra bat zozketatuko da
-Izena emateko:
-Aurrez (10€). Orkatzen edo http://Kirolprobak.com (https://inscripcion.kirolprobak.com/inscripcion/sare-v-kros-herrikoia/)
-Egunean bertan (12€) 11:00-11:30
Twitter
III Burdin Hesia mendi lasterketa eta mendi martxa izugarrizko giroan
LASTERKETAK Joan den igandean, maiatzak 24ean ospatu zen III Burdin hesia mendi lasterketa eta lehen mendi martxa Bilbotik Laudiora. 25 kilometrotako ibilbidea izan zuen lasterketak Bizkaia frontoitik abiatu zen goizeko 9,30etan eta 200 korrikalarik hartu...
Abian da Burdin Hesia I. Mendi Martxa eta Burdin Hesia III. Mendi Lasterketa
LASTERKETAK Izena eman mendi martxan Izena eman mendi lasterketan Maiatzaren 24an abiatuko da Bilbotik Laudiora aurtengo Burdin Hesia III. Mendi Lasterketa Miribillatik. Aurtengoak aldaketa nabariak ditu....
Gasteiz Hiria Herri Lasterketaren XV. edizioaren izen ematea
LASTERKETAK Gasteiz Hiria Herri Lasterketaren XV. edizioan parte hartzeko, hurrengo irudian edo azpiko esteketan klik egin. LASTERKETA HONETAN ZOZKETATUKO DIREN SARI ERDIAK GIZONEZKOEN MAILAN ETA BESTE ERDIA EMAKUMEZKOEN MAILAN BANATUKO DIRA. ZOZKETATUKO DIREN...